Ezîz Xemcivîn



Depoya razeyên te*
ev dil e;
kilît di birînê de
di ingire..!!

Dil e
li pêjna te
navkutkê dike,
bi hatina te re
ditertile*..!!

Dil e
kew e,
li dahfikên awirên te
bivênevê
diterpile..!!

Dil e
karê wî
şahiya te diveçire..
tenik e
cama zelal e
basikên rewanê balinde ye
hevrûyê rokê
li pencera te
bilbil e…!!

Dil e
mêr e
firiştê şevînan
navberek nîne
cudahiya awirên we bike..!!

Dil e
li bejna şeva te xwe dipêçe
qulzimê evîn e,
dirahêje te
hemî peravan
ji bo te diguhêre…!!

Dil e
nivêjparêz e
sibê ta sibê
laleşa sînga te nikil dike..!!

Dil e
bi dilê te re
heyva du zerdik e,
jîn perwer e;
Dîkilê çê ye..
Rojê
pênc danan
bi rêz û mezinahiya te
bang dike…



Alain
UAE
23/9/2005

Depo:{store} çi mal an cihê firotin û cihê çekan depo lê heye, ji ber lêkomkirin pêk tê..
Tertilandin: nişkaveyî li gel wê hinek tirs: tertilî: “cefilî”