Ji nalenala Ferat felat nîn e
Şengül Oğur

Di çemê demê di navbera van bijankan de
çend jiyan şax dan
bûn dêlî
û mîna pelên zer weşiyan
ji çeqlê dara jiyana min?!

çend berbangan soriya xwe ya xemgîr
di ezmanê zimanê çavê min de kolan?!

kolanên kovanbar goristanên bêkêl in
nîn e awêneya min ku zarokên min li kenê xwe meyzeke
nîn e baskê cestê min ku bilind bifire
nîn in guhên ku newayên xwe bidim hisandin

di zeviyek ziwa de zengarî ye
zêmara zengila zivinga dilê min
ji nalenala ferat felat nîn e!