|
Ciwan Dêrikî
Ezê mejiyê xwe
rayêxim li ber te
vekolîne '
tariyê ji nav bavêj
û têxe tûrikê şivanan
* * *
Ezê xwîna xwe
valekim li ber te
Bipalîne '
Bimeyîne '
Bikeyîne '
Ji nû berde canê
kedkaran '
* * *
Ezê hêvî û xweziyên xwe
Bikim wêne li ber te
Baş bixwîne
Ji nû rengîn bike
Tabloya jiyanê
jê binexşîne û bavêje
pêşangehan
* * *
Ezê rondikên xwe
têxim bergeşek zêrîn
ji te re diyarî bikim
tê jan û kesera sêwiyan
jê bikî destan '
bikî morîk û gardeniya
nûzayan
* * *
Ezê xewnên xwe ji te re
verêjim '
şirove bike '
berxwedana li hember dêwan
û çîroka mirovxweran
Jê biweşîne
* * *
Ezê pênûsa xwe
bêxim destê te
bi xwîna dilê min
sirûda jiyanê binivîse
Û bila bimîne stirana
hemî ketiyan
*** *** ***
22 – 8 – 2005 * Dêrik
|
