perîşanê kurd

 

 

 

Dema ku hêsrek te tê xwar

Ji çavê  tey reş dilber

ez dibm mest û diljar

peyda dibe l, min keser

lehiyek mezin radibe

li dunyayê seraser

di peyre agirek gur

disoje ew hişk û ter

bilbil tevde dibin lal

Diçilmisin gulê ker

 

lê dema tu dikenî

ava hênik xweş tê der

gul ji nû dibişkivin

difûre misk û enber

mirov tev  dibin kole

tu dibe pût û  penqer

Yezdana ola vînê

Bi te tev dibin bawer

misilman tên heca te

berdidin latê azer

li ser bejn û bala te

nimêj dikin pêxember

bo min tu dibe welat

dibim kurdê şoreşger

ew sînga te ya nazdar

bo min dibe qada şer

hildidim ez li ser wê

ala kesk û sor û zer

maç dikim xaka welat

xweş tê guhertin qeder

cotkar dixun keda xwe

lê axa dibin rêncber

qet namîne li dunyê.

zilma sultan û qeyser

Mem şadibe bi Zînê

Beko diçe bê veger

hêvîya min ji yezdan 

tu tim rûken bî dilber

ji bo her demî bijî

Perîşanê dilawer.