Navekî kuştî ji navên te yên kesk bûm, Nisrîna te daristanê berz dike!
Bo salvegera yekemîn a şehîdbûna Şêxê Şehîdan
Ehmed Huseynî

                                                         16
25Ê GULANÊ
Dergûşên xwe hînî lorîka navê wî bikin
Zivistanên xwe hînî qiçîna hinavên wî bikin
Xencerên xwe hînî sûkirina ramanên wî bikin
Û zimanê xwe hînî avjîna sirûdên wî bikin

Min ji dayîkên Şewata Sînemeya Amûdê re digot:
De guhên xwe bidin nalîna min, bazin û rêşiyên xwe, gerdenî û guharên xwe, gundên xwe, mûmên xwe, komerên xwe, şima û çavşînkên xwe, pêçekên xwe, rêçên xwe yên serjêkirî, destar û nehwirîn û hechecîkên xwe amade bikin!

Nermahiya gotinê, narîniya jihişketinê, xemilîna bi kesk û bi mizgîniyê, pesin û navtêdana sirûdên bi tenêmayî, gulvedana berbiskan û bi tenê berbi tenhatiyê ve çûyîn, tenbîrvanên xwe û kevokên xwe û ziyamarên xwe amade bikin!!

Zendên xwe yên ji zilan, zikên xwe yên ji pemboyan, memikên xwe yên ji gulhinaran, guliyên xwe yên ji birûskan, kulmên xwe yên ji goşiyên velerzînê, amadeyiyên xwe yên neamadebûyî, amade bikin..





Berdewam dike ....