Seyid Feysel Moctevî

Serokatiya rêzdar Kak Mesûd Barzanî li Kurdistana fidiral û dimokratîk de li hemû azadîxazê kurd û cihanê pîroz be,paşî salê dûr û dirêj,arezûya mezine gelê me hat dîtin,heyva 14ê bin evra derket û mala me rûnahîya xwe da cihanê, rûnahiya çiraya taze li hemû malê kurdan re pîroztir.

 

 

Şehîd, axa me rehber,dît

Gelik mesrûr û keyfîne

Rehînê[1] xwîna şîrîne

Lema ev renge, rengîne

Hemû zarûkê kurdistan

Li şehr û gund û şaxistan[2]

Bi armanca te keyxoşin

Ku avata te bû hingî

Te bo vê can beden der kir

Li nav xwînê de razayî

Heta roja ko can cismê te kirneder

Nigehban bûy li axa xwe

Şehîdê milk û mala me

Kesanê ku bi hîva[3]bûn

Bibînin rojekî rojîn

Li axa kurd û Kurdistan

Bi bayek nerm ala me

Li ser malan biket reqsê

Dorişma[4] me cehanî bit

Bi kurdan bêje mebrûkon[5]

Enan û Bûş û şahê din

Li dinyayê bi şahê me

Mobarek bayîyek gotin

Devê her nakesan sotin

Hemî kom bûn li Hewlêrê

Li mala parlimana me

Dibin mêvan dibin mêvan

Mobarek kin serokê me

Serokê karvanê arezûya kurd û Kurdistan

Mibarek ser mibarek bit

Serê me ser weten her roj vekî ser sal û salê nû mibarek bit

Gelo îro li te Bexda û Tehran û Sitenbolê mobarek bit

Dema ala me ser şehrê Mehabadê direxşan[6] bû

Û Qazî pêşevayê me

Tu zarû bûy û çavê te bi alê bû

Nikarî dûrî armanca şehîda bî

Tu ser binçîneyek pakî

Tu nesla Mostefayê babê kurdayî

Mibarek bit li te tacê şehê kurda

Li kurdan tu mibark bî

Tu bûyî canişînê Şêx Obeydillahê Şemzîna

Û babe xwe û Qazî, Şêx Seîd Pîran

Qezaqistan û Qefqazê heta devra sipî behrê

Bite şadin,eva dengek mezin bo te

Bira,Kake, te dengê xort û lavê me

Kire mêze[7] li ceşnê de?

Li ceşna tac û textê me

Mehabadê û şehrê din

Li Binxetê û Amêdê

Evanê ku Herîmê pîçekê dûr bûn

Bi darê pasebana bûn kebabek din

Ser û pişt û teniştê genc û levê me

Ku bo beşdar[8] ceşnê bûn?!

Ku bo beşdar ceşnê bûn?!

Meger tu bûyî pêxember Medînê da

Ku kafir Mekkê da bukjin mosilmana?!

Eve cara evil nîne

Ku ceşna me dibe jehrek

Û tên kuştin û tên girtin

Li keyf û şahî û ceşna

Li qernê irtibatatê

Bi bêdengî,diçin hebsê

Nikarin bidne nîşanê

Birîna xwe

Şikandin dest û pê û ser

Sero,ez bêjme kê îro?

 Evanê ku bidarê zolmê êxistim

Li bajêran tek û tenha[9]

Meger harî mi ket

Dengê girîna dayika xemxar[10]

Bi mezlûmî

Û pir rondik

Me nîne resma firmêskê[11]

Kû nîşanê cehanê din[12]

Evan istêrê rijyayî

Bi destê korê bêaqil

Li kîj taxê cihanê de miriv ceşna xwe mehrûmin?!

Li tazî,şîna mehrûmin

Şehîdê me li ser erdê

Nikarin bikne bin axê

Gunehkarin eger bêjin mibarek bit

Eger miryê me mir, bêjin serit xweş be?!

Emê te her mobarek kin

Mibarek rê û resmê te

Me hay û hoyî rêka xwe

Feravan[13] dîtine lavo

Misala kelbi la yelhes

Û yelhes her vekî yêkin[14]

Li keçkê xwînê natirsin

Li birsî bûnê napirsin

Sokana kiştîyê bigre

Bibe aramişa sahil

Bira,lavo

Hemû kurdan bi yek çavî bike mêze

Mibarek bit

Te ew peymaneya işqê

Li te textê kîyanî bibte mimbarek

Serok Mesûd, dilê kurda bite rone[15]

Bila her va bimînit ew

Omîda van tu xweştir ke

Nehêle çilmisin gul vê gulistanê

Nehêle dengê bilbil bibte xamûşî[16]

Civane gul herîma me

Li van bilbil mobarek bit

Kilîda baxê pir gul dane destê te

Emanet destê şahê me mobarek bit

Yeqînen ez dizanim mîr vaqif[17] bû

Ku dê şêvra mezin bo xwe miheya ket

Li zanayê ku teqdîrê

Bi koncê dûr havêtin

Tifaq û yekdilî,yekcar pîroze,mibarek bit

Seyid bavirke Mîrê me,bi tiblê kirye ew gostîl

Senendec 2005-06-17

Helbest : Nû