Dildar Ismaîl

Li te dipirsim, dengê te nayê

Min bi derengî li te pirsî

Nema hat … Nema hat

Hê zû bû min tu nedî

Hê zû ye tu barnekî

Dayê li min negre

Qedexe ye welat ji min dûr e

Rondikên çavan dibarin

Nema karim bersivê bidim

Tarî bû roĵa ne rôĵ

Şev li min dibe doĵeh

Ax lê dayê ax!

Jiyana te hemî êş û nal

Xweşî bi çavan te nedî

Qeder weha dinvîse

Li ber hilma dema dawî

Nema hat… Nema hat

Dayê li min bibhûre

Ez li ber te gunehkar im

Derdê dil bûye ar

Gunehkar im li ber destê te

Birîndar im ĵi evîna te

Bêxatir û silav

Dil bû wekî alav

Hê zû bû ew canê ciwan

Êş maye bêderman

Ey dunyaya bêbext

Te li min gerand

Aşê ĵiyaneke zor

Keserên salan berdewam in

Şaxên gula diçilmisin

Û tenûra vemirî geş dibe

Zimanê lal diaxive

Ax lê dayê ax!

Li min negire

Ew gorna tarî?

Ew mihvanên bedew

Silavên dirêĵ

Ĵi dilê tev birîn

Canê bêĵin

Lê ĵîn dimîne

Û dengê te dimîne

Nav û evîna te

Dimîne her tu

Roniya çav î

Dermanê birînan

Nema hat... Nema hat

Ax dengê te lê dayê.

 

 

19.06.2005