Helbest: Mamûd Darwîş
Werger:Abdulkadir Musa


Ez yûsiv im yabo.Lo yabo, birayên min hez min nakin,
min di nav xwe de navên lo yabo.
Zorê li min dikin û kevir û gotinan tavêjin min.
Dixwazin ku ez bimrim ji bo pesnê min bidin.
Û wan dergehê mala te li ber min girtin. Û wan ji
zeviyê qewitandim. Ewan tiriyê min şahr kirin lo yabo.
û wan listikên min şikandin lo yabo.
Gava sura ba derbasbû û bi porê min lîst xeyidîn û
ji min tûre bûn û ji te tûre bûn, de min
çi bi wan kiriye lo yabo?

Perwanan xwe li milê min danîn û simbil bi ser min de
Xwarbûn û balinde ji ser destên min re firiya.
De min çi kiriye lo yabo,
û çima ez?

Te navê min kir Yûsiv û wan ez di bîrê werkirim û
xistin hustê gur; û gur ji birayên min dilovantir e..
yabo!
Ma min destdirêjayî li kesekî kir gava min got:
Min yazdeh stêrk dîtin û roj û heyv
Min ew dîtin ku ji min re serçogdibûn.