Di hevpeyvîneke xwe de, di rojnemeya Hêvî de, ya ku li bajarê silêmanîyê derdikeve, hejmar 52-18.06.07 de. Luqman Mahmûd wisa li xwe mikur tê: http://hevi24.org/wutar/6-7-1.htm 
Ji ser û berê Kurdistana Rojava ya toreyî re yek şêx, yek serokêl-weke ku ji hêla civakî û siyasî ve, pir caran, mixabin wisa ye- dibîne û hemû helbestvanên ku bi kurdî dinivîsin mirîd û azep û koleyên wan takekesan li qelem dide.
Ev bersivên Luqman yên li jor derbasbûyîn, ji xwendevanan re dihêlim daku ew bi xwe evê bobelata ku ew bi xwe, bi dest û lingên xwe, xwe bê serî diajoyê temaşe bikin, gengaz e ku guneh û giriyê wan bi halê wî bê!?
Ya din xweska rojnamevan Yassin Hussên hewl bidaba xwe ku pirsa ka Luqman bi kurdî dizane yan na, bi kurdî çend pirtûk xwendine, çend helbestvanên ku bi kurdî dinivîsin şopndine, ta ku maf dide xwe bi evê kurdîya vekirî û eşkere rewşenbîrên kurd bi unalfabêya çandî tewanbardike, û li xwe mikur tê ku ji salên notî de piranîya helbestên kurdî wergerandine erebî da ku diyar bike ku helbesta kurdî ne tenê helbesta cegerxwîn e. Ji xwe navên pir helbestvanên ku bi soranî dinivîsin rêz dike!? Gelo Luqman ji xwe pirsîye ku di wan salan de bi soranî dizanî yan na!! Yan ji xwe pirsî bê ta çi radeyê serkeftî bû di wergera wan helbestvanên ku ew navê wan rêz dike ku yek ji wan jî ne kurmacînivîs e û bê ku wan şaş bigihîne xwendevanên ereb!? Yan niha ji xwe bawer e ku soranî baş dizane? Tevlî ku dibe bi kurmancî jî unalfabê be!!
Luqman wisa pê de diçe: ( Weke ku berê helbestek bû, mebest helbesta cegerxwîn…ev nexweşî dûbare dibe, tek helbest, helbesta Selîm Berekat, Berekatê ku di çavê Luqman de sihirbaz e û bandora wî li ser piranîya nivîsên helbestî û pexşanî yên kurdî heye ….!?
Bi gumana min Luqman Hallucinationa xwe û rewşa xwe ya heyî, ango ku çawa ta niha nikare Luqman bi xwe be -weke helbestvan- û nikaribe ji bandora S.Berekatê „sihirbaz“ li gora Luqman, derkeve, û bibe xwedîyê xwe û helbesta xwe û şêwazê xwe, piranîya helbestvanên kurd yên Rojava bi evê yekê- bi bandora Selîm- tewanbardike!?
Ji ber vê yekê ez nimûneyekê ji helbestên xwe û ne yên tu kesî din deynim ber destên Luqman û xwendevanan- ji xwe wê Luqman ev helbest nexwendibin, ji ber ku bi kurdî ne- da bizanibe, ka ta çi astê rast diaxive:
http://www.rojava.net/17.09.2005abdulqadirmusa-helbest.htm
Min dixwest tenê têbigihêm gelo Luqman piştî xwendina çend berhemên helbestvanên Rojavayê kurdistanê gihiştiye vê ancama ku hemû ked û xebata wan li ser navê şêxekî yan serokêlekê tapo dike û ewan hebestvanan bi mirîdîtî û koletî ya takekesan tewanbardike, ev nexweşiya ku ew bi xwe pêketiye weke kurdekî erebînivîs ku xwe mirîd û koleyên navên navdar dibînin!?
Ev jî Luqman e, xwe bi xwe, li xwe mikur tê, lixwemikurhatineke pîwîst nîne bi serêşana şîrovekirinê, ji ber ku her xwendevanak dikare bi hesanî bigihêje ewê encamê…

Wê pir baş bibe heger Luqman, tu guhê xwe bi vir de bîne, ji bo dengê min xwesh bê te :
Ê min ez ne kurê Cegerxwîn im û ne jî yê Selîm Berekat im, ez vê yekê jî bi pozbilindayî û serbilidayî dibêjim, ez xwe dinivîsim û helbesta xwe dinivîsim.
Û weke helbestvan ez pîç im û helbesta min pîç e, û weke ku ez kurê çandeke pîç im, helbesta min jî berhema çandeke pîç e…!?
Di dawîyê de gelo çend helbestvanên din yê ku Luqman wan tewanbardike dikarin weku min Pîçîtiya xwe êşkere bikin, wilo deqerû xwe bêjin, da ku ta bi rêya poşmanîyê jî, li ber kesên xwedî helwestên dijminane dij bi bizava helbesta kurdî a Rojavayê Kurdistan nemîne.
Û rê li ber evan êrîşên bêçêj yên nivîskarên kurd-ereb, yan jî ereb-kurd, yên ku ji nivîskarên serdestan jî kambaxtir û dijmintir in, venebe. Da ku nikaribin hewlbidin ku bi kesayetîya xwe ya çandî ya tekçûyî û tunebûyî, her nivîskarekî ku bi kurdî dinivîse bidim ber êrîşan.