Xwîn û cin
Osman Muhemed

min xwîn bi te dakir
min nedixwest
çi li kirasê te dihatin kulîlkên sorik!
spî spî bû berê kiraskê te
lê çi gul bû ew xwîn,
çi gulîstaneke spehî dirijiya ji sînga te!
cina ku ez destbixencer kirim
çûbû xwe di dilê te de hilandibû


û gulên min ji kêlîka birînê ve
ji lerza laş ve
tama hesin ji wan tê


xwîna ku min bi te dakir
bû ta
bû ba
xwe bi melkemotê min şa kir