|
Ji weşanên Dezgeha Sema ya çandî û hunerî ..
Yekem berhema helbestvanê kurd Abdulkadir Musa (Çengên
te … Ez bi firê… xistim ) derket
Hozan Emîn
Di bin navê (Çengên te … Ez bi firê… xistim
) helbestvan Abdulkadir Musa berhema xwe ya
yekemîn derxist Pêşberî xwendevanan û niha li
Almanîya û Dubey û Herêma Kurdistana Îraqê tê
belavkirin .
Ev berhema ku ji navnîşana xwe diyar dibe Ku
Helbestvan Ked û zehmetîya xwe ya ku di jîyanê
de dîtîye ..? Li Deverên dûr ji xaka welat û di
Jiyana koçberiyê de ku Pêşberî wî hatine bi
hestên nazik û bi dîmenên pir bi êş û jan
helbestên xwe nivîsandine ..
Em wexta behsa wî bikin divê ku em ji bîr nekin
ku windabûna hevjîna wî û delala ber dilê wî (Gulîstan)
ew Keça ku bi hêvîya hevgihînê dildoz bû û di
kêlîkek kurt de weke mûmekê vemirî. Vê bûyerê di
jiyana wî de, kulek din li ser kulên wî zêde kir
û muhra xwe li helbestên wî xistine .
Hêjayî gotinê ye ku ev berhem li Herêma
Kurdistan a Başûr ya Azad (Hewlêr ) hatiye
çapkirin û Pirtûka (7)an e ji weşanên Dezgeha
Sema ya çand û Hunera Kurdî li Imarata Erebî (
Dubey).
Pêşgotina berhema wî mamoste Selîm Biçûk
nivîsîye û gotiye
ku (Abdulkadir vê êşê van têkçûnan van xewn,
hêvî û evînên mirî di helbestên xwe de bi gewde
dike û dinehwirîne )
Pirtûk ji 68 rûpelan pêk tê û di nava xwe de 13
helbestên nûjen û berfireh dilorîne .
Û berg û derhênan ya hunermend Reşîd Hisso ye.
Motîvên nava pirtûkê yên hunermenda elmanî :
Bettina Pfeiffer ne.
Li çapxana Kewêl – li Hewlêrê paytexta Herêma
Kurdistana Iraqê hatiye çapkirin û li pirtûkxana
giştî ya wezareta rewşenbîrî hatîye spartin,
jimara wê 939 .
Kurte Jiyana Helbestvan .. Abdulkadir Musa
Abdulkadir Musa di sala 1969 wek nixuriyê dayka
xwe , li bajarê Amûdê ( Rojavayî Kurdistanê ) ji
dayik bûye. Li wir dibistana xwe ya serekî bi
dawî kiriye û di sala 1987 dest bi xwendina
Ziman û toreya Firensî li Zanîngeha Helebê
kiriye û bi dawî nekirîye .
Di navbera salên 1986-1991 ê helbest bi zimanê
erebî nivîsîye û di rojnama û kovarên erebî û
kurdî de belav kirîye .
Ji wê salê û şûn de bi zimanê kurdî dinivîse û
werdigerîne .
Ji dawîya sala 1995 an li Almaniya dijî bi
helbestnivîs û wergerandinê re mijûl dibe .
ji Berhema wî vê Helbestê hildibjêrim .
Tu bûka berfê
Tu,
Ewê qeresiya sortirîn dilê
di devê min re derketî, di binê piyalê de nehêle…
ewê pêşkêşî min bike,
ez bi tirs im ku lêvên te di devê xwe de ji bîr
bikim…
û ji hemû rengê meyweyan
bitengijim.. !
Tu,
Ma te nedît ! Bê çawa kuçên
pêpilka ’’Turm’’ ji ber pêyên me
dişemitîn û dîlaneke mest…
Mil li hêlekê
Ser li hêlekê
Kinc li hêlekê
Laş li hêlekê û can, du can ha.. !
Bi maçan diçûn mirinê
Yasemîn li kenaran hilor dibûn,
di koça dirêj û teng de.
Ma te nedît ! Pencên min yên nîvkuştî,
Meyweyên kerik li ser bejna te
diwerandin, û bi tîna silavên
dildarên li paş tixûban ew bi şaxên te ve
dimişmişandin.
Ev Helbest bi dawî nebûye
Hun dikarin di pirtûka wî bi tevayî bixwînin
|
