|
Stirana hozan Serhed „Hewlêr“
helbesta Dilşa Yûsiv e
Dilşa Yûsiv: Min helbesta
Hewlêr di nava nîv saetê de, li ser daxwaza
hozan Serhed hûna. Wî mûzîk û awaz berê amade
kiribûn û dixwest wek berhemekê di festîvala
yekem ya bîranaîna Hewlêrê de li Silêmaniyê
pêşkêş bike.
Êrîş û tevkujiya Hewlêr di 17 gulana 1997an de
qewimî. Piştî salekê festîvala yekem ya bîranîna
vê bûyerê li bajêrê Silêmaniyê hat lidarxistin.
Festîval 5 roj çalakiyê çandî û hunerî bûn.
Şehîd Serhed dixwest berhemeke taybet ji bo
festîvalê pêşkêş bike. Awaz û mûzîk amade
kiribûn, ji bo min nehwirand û xwest ku gotinan
bihûnim. Min jî, piştî nîv saetê ji bihîstina
mûzîkê helbesta Hewlêr hûna. Her weha berê jî
helbesteke min li ser wê bûyerê hebû. Ez bi
Serhed re axivîn û min got helbest amade ye.
Hema yekser em çûn stodiyo ji ber ku berê mûzîk
hatibû tomarkirin. Lihevhatinek baş di navbera
mûzîk û gotinên helbestê de hebû.
Xwediyê stodiyoyê bi rêzdariyeke bilind nêzî
Serhed dibû, wî nirxên hunermendiya wî nas
kiribûn. Serhed yekser helbest girt û derbasî
stodiyo bû, careke tenê prova kir.
Stirana Hewlêr ya resen (orgînal) tenê li
radiyoya çiya dihat gotin û kopiyek jê li
stodiya mabû. Ya ku niha tê bihîstin û gotin
tenê bi dengê Serhed ku di şikeftekê de
distirîne tê bihîstin. Ji hêla NÇM ve, ev stiran
bi mûzîkek nû hetiye belavkirin û bi şaşî
nivîsandine ku gotin jî yên Serhed in. Herweha
ev stiran pir caran bi mûzîkên cuda hatiye
dubarekirin.
Komîteya festîvala bîranîna tevkujiya Hewlêr ez,
Serhed, Remzî Kartal û hunermend Delîl bûn.
Hêzên aşayîsê yên Silêmaniyê dest danîn ser
kopiya stiranê ya di stodiyoyê de.
Dilşa Yûsiv
Hewlêr
Hewlêr qîrîna zarokan
Hewlêr lorîka dayîkan
Hewlêr kilê çavê bûkan
Hewlêr bi xwîna şehîdan
Te navê xwe kir berxwedan
Hewlêr … Hewlêr
Agirê serhildan e
Kelaya berxwedan e
Hêlîna egîdan e
Hewlêr ji nû ve
Le dayîk bû
Hewlêr bi pêt
Û agir bû
Agirê dilê xortan
Navê mirinê
Kir jiyan
Hewlêr namîne
Wek caran
Wê bibe gora neyaran
Xwîna Hêlîn û Salîhan
Geş dikin çîçek û sorgulan
( Ji pirtûka Dilşa Yûsiv
Bakurê dil )
|
