Dilê Gunehkar
Mihemed Elî CÛCÛ
 

Yara min

Tu mîna pirtûkek pîroz î
Çawa ez rûpelên te biçirînim ?

Tu xunçeyek hîn biçûk
Çawa ez pelên te hilqetînim ?

Ji min nexeyide
Eger min çavên te ramûsandin
Ji ber lêvan !!

Çawa tu dixwazî
Ez bihara canê te bişewtînim ?

Çawa tu dixwazî
Ez şêlanê sîngê te hilînim ?

Çawa tu dixwazî
Vîna xwedê ji bo me ez bişkînim ?

Yara min

Tu bimîne wek berê
Mîna katjimêrên sibê
Li hewşa mala me
Mîna mij û dûmanê
Pêçandî gundê me

Lê eger ez mirim berî te
Xulamê te me, negrî li ser min
Ez ê careke din bimrim!!
Ez ê careke din bimrim!!