|
SOBAR ARÎ
Êxsîr bi wan çava tu wî
Girtî bi wan rava tu wî
Perkende nêv dava tu wî
Şaha siwara her ez im
Riştî bi xwîna sor tu wî
bê çar û yê rencor tu wî
yê hundurê Sînor tu wî
Banga hewara her ez im
Qerqef di şûşa zer tu wî
Ava çema xweştir tu wî
Çîçek ji şitla ter tu wî
Mêşa kiwara her ez im
Heyva li ezmanî tu wî
Nexşa bi dest Manî tu wî
Şahî Sulêmanî tu wî
Pelqîz xewara her ez im
Karwan di çin rêber tu wî
Cergê Bi xwîn keyber tu wî
Fîxan û yê dîlber tu wî
Mirya şiwara her ez im
Exterme nêv kaxa tu wî
Extirme nêv taxa tu wî
Laşê Li ber daxa tu wî
Luqman li wara her ez im
Bê şens, Memê Bendî tu wî
Jana Siyamendî tu wî
Ferhad li ser tundî tu wî
Şêrîn buwara her ez im
Hovê Li nav çola tu wî
Şahê Li nav kola tu wî
Sobar ! wekî bola tu wî
Nêv bendewara her ez im
(Tevna Çand û Huner - Dêrik)
|
