Wêne: Meşek kurdan li Qamişlo-taxa Hilêliyê (Erşîf)

 

Hin partî û dezgehên kurdî li rojavayê Kurdistanê bangî xelkê kurd kirin ku roja pêncşemê, 09.02.06 dadgehkirina 47 kurdî li Qamişloyê protesto bikin.
Partiya Azadî, partiya Yekîtî, Komela Mafê Mirovê Kurd (MAF), Rêxistina Kurdî bo Parastina Mafê Mirovan û Azadiyên Giştî (DAD), Komîta Kurdî a Mafê Mirovan û Navenda Şêx Meeşûqê Xiznewî a Çanda Kurdî di daxuyaniyên cuda de doz li xelkê kirin ku roja pêncşemê li ber dergehê dadgeha leşkerî li Qamişlo bicivin û dadgehkirina kurdan protesto bikin.

Kurdên ku têne dadgehkirin piştî beşdarbûna wan di meşa protestokirina kuştina Şêx Meeşûqê Xiznewî di 05.06.2005ê de li Qamişlo hatibûn girtin û piştî 2 mehan ji girtin û işkencekirinê bi kefaleta peran hatibûn berdan. Lê dadgehê wan ta nuha biryara dawî derbarê wan de wernegirtiye.

Her 47 kurdên ku pêncşemê li Qamişlo têne dadgehkirin di gel 12 ciwanên ku temenê wan li jêr 18 salan e û li Hesekê têne dadgehkirin, bi sûcê peydakirina tevliheviyê û geşkirina pirsgirêkên regezî û bêhurmetkirina dezgehên giştî (dewletê) li gorî paragrafên 307; 335 û 358 ji qanûna cizaya Sûrî têne tawanbarkirin.

Her 47 kurd jî ev in:
1. Ferhan Sebrî Ebdelah 2. Ibrahîm Silêman Ebdelah 3. Hikmet Ebdilhelîm Silêman 4. Ebdilselam Mihemed Seedûn 5. Ismet Mihemed Dawûd 6. Ednan Mihemed Selîm Ebdelah 7. Ristem Derwîş Derwîş 8. Mihemed Ebas Elwlî 9. Ciwan Mihemed Xan 10. Kamil Ehmed Mi’io 11. Ferhad Hec Yunis 12. Ebdilrehman Mihemed Ebdo 13. Rodî Taha Hemê 14. Kenaan Mihemed Ibrahîm 15. Basim Mihemed Seîd Osman 16. Welat Mihemed Emîn Ocê 17. Piling Ebdilfetah Ocê 18. Rêbwar Cafer Boskî 19. Ehmed Mehm´ûd Emo 20. Hazim Ferzend Hac 21. Ehmed Salih Ibrahîm 22. Mizgîn Hisên Mihemed 23. Berzan Hisên Hecî Ebdilhemîd 24. Ebdilselam Şakir Mihemed 25. Siwar N´ûrî Hibo 26. Rizgar Hisên Salih 27. Hisên Xelîl Xelîfe 28. Ferhad Ehmed Hacî 29. Zîwer Mihemed Salih Şêxo 30. Xalid Mihemd Necîb 31. Mes´ûd Ehmed Hisên 32. Feysel Ebdelah Osê 33. Silêman Osman Zehreldîn 34. Remedan Hesen Hesen 35. Ebdilmihsin Mihemed Silêman 36. Nezîr Mihemed Elî Ebdê 37. Fehed Mihemed Salih Derwîş 38. Elî Ebdilbaqî Omer 39. Kanîwar Xelîl Ebdelah 40. Ferhan Mihemd Massûm Yûsif Elhecî 41. Enes Ebdilcelîl Res´ûl 42. Ehmed Xelîl Ehmed 43. Elaa Mihemd Sirac Îsa 44. Xalid Salih Osman 45. Şiyar Ehmed Şero 46. Sîpan Silêman Hisso 47. Fîraz Mîzer Ebdelah.