Di bin navê (strana dîlanê) de şeva sersalê li bajarê Swîserî Lozan (Lausanne) ahengeke mezin li dar ket. Di vê ahengê de kalîgrafê fransî yê navdar Morîs Bêjar (Maurice BEJART) û bi hevkarîya dora 50 dîlanvan û leystikvanên şanoyê Zerdeşt li ser muzîk û stranên pirranya gelên cîhanê rakirin dîlanê, ji Rîşar Vagner (Richard WAGNER)[1] ta bi Nûredîn Razavî (Nourradin Razavi)[2] .

« Zerdeşt dîlanvan e » li ser sehneyê Nîtşê (F. Nietzsche)[3] bi vê hevokê Zerdeşt dide nasîn û çîrok bi mar û bazekî ku li dora Zerdeşt hêlan û dîlanê dikin bi rê dikeve. Zerdeşt xwe bi agir û sêgoşeyekê hildipesêre û muzîk û dîlan mirov ji xwenekê diavêjin yeke din û ji perçeyekî ji rûyê erdê çe dike yekî din û ji nav miletekî derbasî nav yekî din dike.

« min pirr caran dîlan kir » Zerdeşt dibêje û gewdeyê xwe yê xurt û nazik, lihevhatî û nerm li ser muzîka Entonyo Vîvaldî (A.Vivaldi)[4] li ba dixe û dihêle ku her tamarek ji laşê wî bibe stranek û çîrokek.

Zerdeşt hewil dide ku derdor, çîrok û jîyana xwe bi rêya dîlan û mûzîkê bi yên beşdar bide nasîn. Ew mirov, bê hemdî wî, kaşî dîlana xwe dike û dilê mirovî  bi rîtma liva Zerdeşt re lê dide.

Zerdeşt ji jidayikbûna jîyanê dest pê dike û di ser şev, av, ba û agir re derbas dibe lê ew ax û xwînê ji xwe bîr nake.

Zerdeşt erdê wek gogekê li ser destê xwe dizivrîne û her ku çavên xwe dibe ser cîhekî, dîlan û muzîka miletê wî cîhî dest pê dike, ew me li tevahîya cîhanê digerîne. Cîhana bi leşker, ceng, xweş û reş ; cîhana mirov, mirovê ku carne hov e û carne perî ye, mirovê ku ji xwîn û gîyan û pakî û qirêjê hatîye lêkirin.

Gelek leheng, bûyer û çîrokên nesereke jî dîlana Zerdeşt û (leşkerên) wî yên nazik û giyan tenik zengîn dikin û bêhtir ji 25 perçeyên mûzîk û stranê, dîlana Zerdeşt germ dikin. Nîtşê, bêjar, Vagnir û yên din me li hember Zerdeştekî ku dikare li Flamînko guhdarî bike û li ser Tango dîlanê bike disekinînin û rûyê  mirovane yê vî hekîm, pêxember û feylesofê zemanê xwe raber me dikin.

Zerdeşt dixwaze ji me re bibêje : mirov bi dîlanê dest pê kir ta gewdeyê xwe ji xerabîyan vala bike. Ew dixwaze ku her mirovek bibe pêxember û feylesof û nîv-xwedêyekî aştîyane.
------------------------------