Xewn

Helbest: Mihemmed Efîf Huseynî
Werger: Besam Mustefa

Di alan de te dibînim ..
Alên ziyandar û
Yên li ser turman
Di tariyê de te dibînim..
Di atomên berbangê de
Di qeheweya sibehê a pirçûmbûyî de
Di gulê de dema diçilmise..di şînê de ..
Di neynikeke buhurtî de
Di perdeyên firindeyê birîndar de ...
Di buxbuxa kevokan de ...
Di zengezenga zingilan de, te dibînim ...
Di çarçevên nexwşxaneyan de ...di dermanên
Lezok de ...
Di hebên hedirandî de ..
Di derfeşa bêyî al de ..di babelîska nozdehan de ..
Di nav toza leşkeran de
Di piyala meyê de, ..di zeleta sibê û
Xilmaşiya yê nexweş de
Di gumlekê şîn de ..di pişkoka wî ya
Windayî de ..
Di hemî deman û hindek cihan de
Te dibînim
Bihna memikên te ..û pirça sivik ya binçengê te
Gavên te yên ji çivîkin piçûk û ..
Nediyariya te ya ku ez wê dibînim .