Ferhadê Ehmê û çîroka tewanbariya wî ji pkk ê û pyd ê re
Dr. Memo Ebdî

Di gotareke xwe ya ku di hefteya çuyî de hatibû belavkirin di malpera rojava.net
de birêz ferhadê Ehmê Ev deklarasion dabû: Dûrî nirxandineke hûrbîn ji tecrûbeya PKK li rojavayê Kurdistanê re, mirov dikare bibêje ku kuştina siyasî yek ji tiştên ku PKK li vî perçeyî damezirand. Ji xwe neqebûlkirina aliyên siyasî yên dî yek ji dîmenên bizava PKK yên berçav
bû.
Baş e ev tawanbariya bêbingeh ji ku tê û di lêpirsînên ku ta niha we çêkirine mîna dozgerekî bêhempa de çiqas rastî heye, gereke biraderê me biketa şûna Sêrc Pramêrêts de, da ku di demeke kin de kujerên Herîrî bibîne û ava serê wan li êgir ke, birayê hêja di vê dema buhûrî de bi saya çend netêgihiştinên di navbera min û we de, ez çend caran bi we ve ketime keftelefteke bêwate de, dixuyê ku bêhneke nebaş ji liv û tevgera we tê.eger tu nivîskarekî bi tena xwe ba, minê gazin ji te nekiriba û giliyê min wê ne arasteyî te ba, lê bi fermanê ku tu yek ji çalakvanên desteya hevgirtinê yî, xemnake ez ê dîsa te bipejirînim û bi şêweyekî vekirî bersiva te bidim li gor awira min a heyî, bê guman li vir berpirsiyariya te wê ne li gor yekî din be.ez nabêjim jibo çi tu derbareyî rêxistineke bi hêz mîna pkk ku erd û dinya di bin lingên wê de hejiya van neheqiyan dike, le berevajî wê ev bandora wê ya fereh û piralî li ser biwarên jiyana kurdan çiqas dengvedaye dide xuyakirin, em niha di rewşeke wisa de ne ku rêkeftineke ne ku tevgera rêkeftin lê levhatinek ji me re pêwîst e û bi hêz, eger tu bi xwazî ku aştiyek yan lêborînek were afirandin diviyabû ne tu aliyekî tawanbar bikî û yê din bêrîbikî ,ev ne şêweyê karûbarekî netewî ye û xasma ku tu dixwazî du aliyan bigihînî hevdû, ez li welat im û tevger û bizûtneweya kurdan ya siyasî ji nêz ve dişopînim, tu kes evan serencamên ku tu gihayê de nikare bidirikêne û bi mêranî bêje: vê tevgerê kuştina siyasî kiriye, derbareyî vê pirsgirêkê de ez dixwazim tiştekî bînim bîra te ji ber ku helwest bê zelalkirin û mij û dûman ji ser rabe, di serhildana 12 adarê de û bi taybet li bajarê Helebê dewletê xwest ku bi kurdan re rûne ne ku ji hezkirinê lê jibo ku ev tevlîheviya çêbûye radeste û piştî giftugoyan komîteyek hate eşkerekirin ji niwênerên partiyan û kesên serbixwe ez jî yek jê bûm, roj bi roj civîn dihatin lidarxistin da ku em tev di vê qonaxa hestdar û berpirsiyar de bi helwesteke yekgirtî derkevin, di civînekê de em jî di danûstandineke germ de ne, heme ji nişkê ve yek rabû, lê ez gumandikim ku ji aliyê Yekîtiya birêz Ismaîl Umer ve bû û got: Divê Apoçî belavokekê derxin û xwe şermezarbikin, ji bo çi, çima civat bi xwe matmayî ma û hema di rewşeke seyr û ecêb de rawestan, yek(ne alîgirê Pkk bû) rabû û bersiv da, tu çawa pkk tawanbardikî, çi nîşan, destxistin li ba te hene, em vê nerînê napejrînin û dewlet dixwaze van buyêran bike stuyê tevgera me da dest bi girtinan bike û van kirinên xwe rewa bide nîşandan. Ferhad tu dibêjî xwîna mirovan ne erzan e, lê çima te heq û maf daye xwe ku tu vê tevgerê (tevgera 10000 şehîdan) bi kuştinan tawanbrbikî, bi vê daxuyaniyê, te hest û nestên bi sed hezaran kesan birîndarkir û tu rêz û hirmet ji wan pakrewanên ku bi xwîna xwe dara sexwebûn û azadiyê avdane nekir. Ji aliyekî din ve bi serokatiya rêkeftinê re ez rûniştim û bi daxwaza min bû û me du saatan domkir em li ser germiya rewşê axiftin, lê pismam ev hatine û agir ji devê wan dertê, cardin tu li ser kuştina siyasî diaxivê divê ku tiştên bidestxistî di nav destê te de hebin, ya na heme ez wana napejrînim ji ber sedemina din, ev ne karê rewşenbîra ye ne karê hevgirtina rewşenbîra ye, gelo niha xweş e ku ez bêjim Ferhadê Ehmê, mirovekî tirsonek û kurdekî xerab e, na ez nikarim bibêjim û ez bi xwe maf nadim xwe te tewanbarbikim, ji ber van tiştan, hestdariya demê û pêwîstî bi nêzîkayiya siyasî mafê kesekî tine xwe ji gunehan bişoyê û gemara xwe berde ser cokên cîranan. Çawa ku xwîna mirovan nabe dew wisa jî gunehbariya rêkxistina bes e û hew. biraderê hêja berî ku em biaxivin pêwîst e em zimanê xwe 7 caran di devê xwe de bilivînin mîna ku frensî dibêjin.