|
Pirtûka
nû ya hunermendê kurd Kamîran Ibrahîm li Hewlêrê
derket
Besam Mistefa/Hewlêr
Di roja 25 meha 6an pirtûka
diwemîn ya hunermend ê kurd ê ji rojavayê
Kurdistanê Kamîran Ibrahîm li Hewlêr a paytexta
Kurdistana Iraqê ya federe, ji layê Instûta
Kelepûra Kurdsitanê ya girêdayî wezareta
rewşenbîriyê li herêma Kurdistanê, bi navê "
Çilawaz " derket .
Pêşgotina pirtûkê ji layê
Wirya Ehmed –mamostayê mûzîkê li Instûta
Kelepora Kurdsitanê û hem ji layê Dr. M.E.Zaza –
berprisê beşa lêkolîn û xwendinan li Instûta
navbirî ve hatiye nivîsandin . " Çilawaz " 40
stranên kurdî yên resen û folklorî û millî bi
xwe digire. Bi taybetî yên van herêman Eynkafê –
Bişêriyê – Xerzan – Elikan – Serhedan û Cizîra
Botanê .
Ev in hinek stranên pirtûkê:
Werin Dîlanê Esmer, Keleşo, Ez Xelef im,
Zeynokê, Lê Nûrê, Leylê, Lo Şivano, NarêCan,
Şemamê. Stran tevlû notên xwe yên ku ji alyê
nûser K. Ibrahîm ve hatine çêkirin cihê xwe di
pirtûkê de digirn, tev li gotinên stranan yên ku
bi zaravê kurmancî û bi herdû tîpên erebî û
latînî ne.
Hêjayî gotinê ye ku
hunermend Kamîran Ibrahîm di sala 2003an de,
pirtûktk bi navê " Awazên Keskesorê" derxistibû
.
Hunermend Kamîran Ibrahîm
kî ye ?
* Hunermend Kamîran Ibrahîm li
gundê Letîfiyê nêzîkî bajarê Qamişlo li
Kurdistana Sûriyê, sala 1965an ji dayik bûye .
* Sala 1980 dest bi jenîn û
goranîgotin kiriye .
* Sala 1987an bawernama amadeyî
ya beşê zanistî li Sûriyê wergirtiye .
* Koma mûzîkê ya " Senabil" sala
1988an damizrandiye, ku beşdarî çendîn boneyên
niştimanî û netewî kiriye.
* Sala 1990î koma "Buhar" ya
mûzîkî damizrandiye .
* Serperiştê rahênanên koma-
Xelat- ya Folklorê Kurdî bû û di sedan ahengên
millî û festîvalên niştimanî û netewî li Qamişlo
û Heleb û Lubnanê beşdar bû.
* Li Bingeha hunerî ya mûzîkî
ser bi xwendina taybetî wezaretî perwerdeyê li
Sûriyê ji layê Dr. M.E . Zaza, li Qamişlo
xwendiye û sala 2001 tewaw kiriye .
* Wek mamostayê amîrê buzq ,
tenbûr û baxleme li Bingeha hunerî ya muzîkî ta
sala 2004an kar kiriye .
* Kitêba wî ya yekem " Awazên
Keskesorê" ji stranên Se'îd Yûsiv li Bingeha
hunerî li Qamişlo sala 2003an derçû .
* Li Festîvala Muzîka Millî
ya Silêmaniyê –Kurdistana Iraqê sala 2005an
beşdarî kiriye û tê de xelata rêzlênan
wergirtiye wekû jenyarekî amîrî buzq .
* Niha çavdêriya koma muzîkî ya
Kombenda Kawa bo Çanda Kurdî li Hewlêrê dike .
* Herweha serperiştiya rahênanên
zanîngeha Selahedînê dike .
* Niha li beşê muzîkê kolîca
Hunerên Ciwan li zanîngeha Selahedênê Dixwîne .
|
