Abdulkadir Mûsa

1-
Serê xwe berda nav destên xwe
xwest bîranînên xwe bigire
lê…çavên wî
çavên wî di nav tiliyan re…
çavên wî herikîn!

2-
Peyayê berfê
wê çi ji destên ku di tîna jinekê de
werivîn re bêje?

3-
Li neynika destê xwe nerî
wêneyê jineke şilû dît.
Destê xwe livand, canê wî
di gerînoka pencan de werbû!

4-
Di jibîrkirinê de ramiya,
hestdikir ku destên wî ji wî vedibin

5-
Destê wî ji wê nedibûn,
weke ku ew destên wî bi xwe bin

6-
Carekê biryar da, ku dest jê ber de,
herdu destên xwe
herdu destên xwe…
diyarî wê kirin !