Arşev Oskan


Ey şehîd şehîd                     Ey rêber şehîd
Navê tey ciwan                   Bûye navnîşan

Te nûkir şopa                     Kalê Şêx Se´îd
Qazî Mihemed                   Berzanê Egîd

Te hêz daye me                 Tu bûyî rêber
Her kes te naskir               Cîhan seranser

Ey şehîdê Kurd                 Maşûqê oldar
Li xwînê sarkir                  Destê koledar

Rêçek nû te da                  Pêşiya milet
Li başûr te got                   Pîroz be dewlet

Ev ayetên nû                      Serî hildidin
Tirsê dişkînin                     Nema berdidin

Bêje pakrewan                  Divê em çikin
Ayetên te xwend               Emê pê bikin

Navê şehîdan                    Emê hildin jor
Li ser gorên wan               Gurzê gulên sor

Li ser zimanan                   Hatiye kolan
Maşûqê welat                   Lawê Kurdistan

Wan destên bi xwîn          Tu zû revandin
Komên ciwanan               Li hev civandin

Qamişlo rabe                   Lawê te va hat
Giyanê şêrîn                    Kiriye xelat

Divê em bêjin                  Bijî azadî
Bimre çavsorî                  Li ser vî qadî

Kaniya xwînê                   Vaye derbûye
Êşa bi salan                      Li dil zer bûye

Ji îro pê ve                      Wê gul bibin sor
Bihnê belavkin                 Wê li hawîrdor .