Hevgirtina Rewşenbîrên Kurdên Rojava Li Derve ji endamekî xwe xatirê dawî dixwaze

Peykertaşê payebilind Sîdo Reşo!
Bi xemgîniyek giran me tu winda kirî. Bi êşek dijwar destên me yên ji têljeniya biyaniya zivir xatir ji te dixwazin. Destên te, demek dirêj jiyan teraştin û herdem ji evînê re stirandin. Rêwîtiya azarê ya di navbera Efrîn, Heleb, Şam, Beyrût, Romaniya û Brûkselê de pir dirêj bû û temen pir kin bû. Ji nijkê ve me dît dilê te li nav peykerên bronzî par dibe, destanan dibêje, destanên êşdar yên kurdan ku ew bi xwe herdem lehengên wan bûn, bê ku tiştek jê bimîne daku laş têr bike.
Em xatir ji te dixwazim, laşê xoşewîstekî ji evînê tiraşkirî, laşê hevalekî mîna me heta radeya yekbûnê. Tê li nav me giyana hunermendekî bimînî ku karîbû ji heriyê wêneyên, li ser azadiyê diaxivin biafirîne û cerên ji sariya bronz destanên evînê çêbike.
Sipas bo destên te yên çalak di kêşana wêneyên me yên koçberkirî de!
Sipas bo ku tu yê me û azadiyê bûyî!
Bi xatirê te Sîdo Reşoyê heval!
Bi xatirê te Sîdo Reşoyê hunermend!


Hevgirtina Rewşenbîrên Kurdên Rojava Li Derve