- Em bêdudilî sala zimanê kurdî destek dikin û pîroz dikin.
- Di piroje û çalakiyên vê salê de em ê li gor hêz û karîna xwe alîkar bin.
- Me biriyar daye ku em belavokekê bi nave PERTEW bi kurdî biweşînin û zimanê fermî di nav partiya me de tenê kurdî ye.

Nameya P.D.K.S:


Hevgirtina Rewşenbîrên Kurdên Rojava Li Derve ( HRKRD ) Komîteya Ragihandinê

Birayên hêja û dilsoz Silavên germ û zor zor sipas bo we tevan.

Bibûrin, hin sedemên taybetî û giraniya têkiliyên rêxistinî, hiştin ku bersiva me bi derengî bikeve.
Bi navê xwe û hevalên di serokatiya partiya me de, em banga we ji bo binavkirina
Sala 2006 an weke sala zimanê kurdî erê dikin û dipejirînin û pîroz dikin.
Piştgiriya xwe rasterast û bêdudilî, ji we re didin xuyakirin û serkeftinê ji we re dixwazin. Em ê ji we re alîkar û destek bin di vî warî de, her wiha dezgehên ragihandinê di partiya me de.
Nameya ku we ji me re şandî, hate wergerandin bo zimanê erebî û hate weşandin.
Di pêkanîna çalakî û pirojeyên ku we dane ber çavên xwe de, li gorî ku em dikarin û ji dest me tê, em ê bi we re alîkar bin.
Weke xelatekê ji sala zimanê kurdî re, weke piştgiriyekê ji vê gava we re, em bi hêvî ne ku biryara me bi weşandina belavokekê bi zimanê kurdî di bin navê (PERTEW) de, gaveke serkeftî û pêkhatî be û dilopek nû be di lehiya raperîna zimanê kurdî de.
Weke agahdarî, em dixwazin bi we bidin nasîn ku partiya me, ji mêj ve, hemû nivîsandinên xwe yên di hundur partiyê de kiriye bi zimanê kurdî û tu zimanên din di hundur partiyê de nayên bikaranîn, ne devkî û ne nivîskî.
Bi dilgermî û dilsozî, em piştgiriya we dikin û em ê alîkar bin di serkeftina çalakî û pirojeyên sala zimanê kurdî de.

Serkeftin bo we
Serkeftin bo zimanê kurdî
17/2/2006

Cemal Melle Mehmûd
Sekreterê Giştî
Partiya Demuqratî ya Kurdî ya Sûrî
P . D . K . S