Mixabin, ku di kongirê Perwerdeyî yê Hewlerê de, li rojên 22- 24- Gulana-2007 de, hêrişeke dijwar, bi rengekî jehrawî û plankirî li ser malbata Bedirxaniyan ji nû ve hate kirin.
Ev malbata dilsoz û xemxorên kurdîniyê û zimanê kurdî yê paqij û şirîn.
Kî berpirs e ji vê tawana li bin alaya Kurdistanê ya ku li paytexta Kurdistanê rûdayî?

- Erê bi çi mafî wezareta perwerdeya Kurdistanê qebûl kiriye ew koma nivîsînên bi jehrê reşandî li jêr navê _ Zimanî Standardî kurdî û Elfubêyî Standardî Kurdî - komele wutarêk – ku di bineret de dijî kurmanciyê û malbata Bedirxaniyan in?

- Kê rê xweşkirîye ev jehre ho lêkdayî di navbera endamên kongireyê Perwerdeyî de belav bit?

- Kî vî mafî didit nivîskarê ji xwe razî- Ferhad Şakelî -husa bi pêxwasî bê rêzî bêjit:

(( Le naw kurd de kes hêndî binemaley Bedirxan dilsozî bîr û bawer û îdyolokî yî Etatork nebû. Ewan eger çî be rewalet dijî Turkîya bûn îbelam le rastî da nakokîyan tenya le ser destelat bû. Celadet û Kamiran Bedirxan le hemo jiyanî de hewlî eweyan de da lasayî yî Etatork bikene we û zorîş le dilewe sersamî kesayetî bîrkirdinewey Etatork bûn.)) R 10

- Ew bi vê bêbextiyê bi tinê razî nebûye, berdewamiyê didit gotina xwe û dibêje:

(( Celadet û Kamiran deyanwîst ewey ke le siyaset da dorandûyane le ziman û ferheng da we destî bênine we.Binemaley Bedirxan her diway rûxanî mîrnişînî Botan le Estembûl we le Kirîta we le çend cêyekî dîke jiyanî belam hemîşe pêwendîyan le gel destgakanî împeryalîstîdaî betaybet destgakanî casûsî hebû we û karyan bo kirdûn. Emeş hîc seyr niye katê Ke dezanin serçawey îdyolojîyî Etatork û Bedirxanîyekan her yek serçaweye û herdû yan le yek kanî jehrawîyan xwardûte we )) R.11

Ev hêrişa hovane ya nivîserî di mêşkê xwe yê nesax de vehandî û çêkirî. sexmeratî hindê ye ku ev binemale pêşengên rewşenbîrî û zimanê kurdî bûyne û şûna tilîyên wan diyar in. Berhemên zindî li pişt xwe, ji xortên kurdan re hêlayine nexasim ku Mîr Celadet Bedirxan xwedîyê hizra danana Elfabêya latînî ye bo zimanê kurdî. ji bo yekgirtina zimanê kurdî li paşerojê, cunke ew jîr û hoşmend bû û zanayekî zimanevanî bû.
Ev hêrişên tamsar û bê binyat, dê her hebin ji alîyê nesax û mirovên mejî hişk û girtî. Ew ên ji ber pên xwe wêvetir çu dî nabînin .
Ez nizanim eve çi girî ye li ser elfebêya erebî û kultûra îslamî ya ku herdem çu rêz bo miletê kurd negirtin û kîmiya û xerdel û siyanîd ji hejî me dîtîn, bi şadî li me reşandîn û em berev mirinê ajotîn!! Binemala Bedirxanîyan her dê bimînin cihê rêzgirtina miletê Kurdî ji ber wê dîroka paqij ya bo me hêlayîn û yên ne razî bila li pey awazên erebî binalin û binalin !!