|
Diyavîn
Gulnar Elî
Hêlîn di çavên te de
kozîrkên xweziya vedana dava
malxweya min e, ser destên te
laveya dîtina te, evîna min bû
hêvî jîn bû
jîn hêvî bû
çavên min,
ser roniyê firîn gulên bişkûja
soza me ye, şînahiya herdû dila
dil bişkurî ji mizgîniya
nêzîkbûna jivanê
Dîyavîn
Li te digerim, li duhoka rengîn
şopên te,
gaziya xwedawenda çiyayî
omêd sirûd e
min radiwistînin li bêriyên te
hembêzî hev dibin
çav mişt in ji
wêneyê te
bizavên te,
ken in.
Nazenîn
li kolana, li te digerim
ber sîngê vala
rondik dibariya
êşê, gazîya min veda
min bihîst ji
belgên dara
pêlên rûbara
gazî dikirin
deng belav bû.
Xemrevîn:
Xerîb im
bajar xerîb e,
li şopa te digere
ba li pora te digere
bax li gula xwe digere
barkirina te hat
ji kaniyên eşqa min, te vexwarî
ji davên şeva min, keziyên vehandî te şehkir
di çavên te de, derya dibînim:
Diyavîn:
Felekê soza me binpê kir
kir axîn.
Perîşan
te got
min got vê carê
dê bin senger li ber destê qederê
dê bibin
rast û çep û rêya veder
te nezanî
qedrê me zortir dibê
pîrozî mestir dibê
çavên me jibêriya pir kil dibên
Diyavîn:
di dil de
fener heye, venamire,
ez li ser destê wê, zarokek nazdar im
hêviya pêngavên mezintir im.
2-17-07
|
