Li Amedê roja cejnê ya duyem taxa Deriyê Çiya(Dagkapi) ji hêla komaleya alikarî û piştgiriyê malbatên nexweşên SSPE’yê çalakiyakiya bi navê Jİ ME RE CEJN TUNEYE pêkanîn.

Di çalakiye de nêzîkî 500 kesî kom bubûn. Malbatê zarokên nexweş, tevî zarokên xwe beşdarî çalakiyê bûbûn. Zarokên nexweş jî di konên ji hêla şarederiya Yenişehir hatibu vekirin de li hevdu hatibune komkirin.

Serokê komaleyê Dervîş Demîralp xuyakir ku, zarokên bi fermî li komaleyê qeydkirî 3 hezar û 150 kesin, lê mixabîn ji van zarokan sedî 92 kes zarokên Kurdin (Amed, Sêrt, Mêrdîn hwd.)yê li bajarê Tirkî jî zarokê ji vir koç bûyin e. Demîralp wisa berdevam kir “Êdî vegera van zarokan tuneye her roj zarokê me li ber çav ême dimrin lê em dixwazin berpirsyarê sedema vê nexweşiyê derkeve holê û hesap bide û her roj zarokên bi vê nexweşiyê zêde dibin, çima lêkolîn çênabe, çima li ber vê nexweşiyê nayê girtin. Zarokême dimre wezareta tenduristiyê ya Tirkî radikeve. Japonya ji bo vê nexweşiyê xebat çêkiriye û dermankirina vê nexweşiyê de pêşve çûnin çima wezareta tenduristiya Tirkî bi wan re nakeve têkiliyê.”

Parlemenê DTP yê Amedê Selahattin Demirtaş, Akin Birdal û Fatma Kurtulan ji Beşdarî çalakiyê bûn. Demîrtaş di axaftina xwe de xuyakir ku wezareta tendustiriyê di pêşî de ev xeta xwe qebûl nedikir lê niha dibêjin sedema vê nexweşiyê “derzîkirina sorika û dozekeye”êdî xeta xwe qebûl kirin. Emê vê mijarê bikşînin parlemento û çi ji destê me de tê emê bikin.

Di çalakiyê de malbatên zarokan diwîzê li ser “Ez jî dixwazim herim dibistanê, êdî bila zarok ji nexweşiya SSPE nemirin, min ji nexweşiya SSPE xelas bikin, zarokê me dimrin wezareta tendustiriyê radikeve” nivîsandî hilgirtin. Çalakî bi helbest û stranên dayika qediya. Di helbest xwendinê de mirovên beşdarî çalakiyê bûn gelek demên hestiyar jiyan û hêstrên çavê xwe nikanîbûn bigirin.

Dayê ma cejin hatiye?

Çima nikarim şekir bixwim?
Çima cil û bergê minê cejnê tuneye?
Ez jî dixwazim bileyzim û strana bibêjim.
Lê nikarim rabim…
Min ji vê nexweşiyê xelas bikin…

Nexweşiya SSPE(Subakut Sklorezan Panansefalit) çiye: Ev nexweşî zarokên temenê xwe û biçûk de bi sorika bikevin tê xuyakirin. Ev vîrûsên sorika di laşê wan de dimîne û di demê de digihije mejî, ev dem di nav 1 û 10 salan de dom dike, yanî zarokek yeksaliya xwe de sorika derbas bike dikane 10 salê din bi nexweşiya SSPE keve.Dermankirina vê nexweşiyê tuneye hew ji bo pêşve neçe hinek dermanên hawirde heye. Pêşveçûna vê nexweşiyê bi 4 dewra pêk tê:
Dewra 1.:Jibîrkirin, Hêrsokî
Dewra 2. :Ceniqandin destpê dike. Bi tenê nikare xwarinê bixwe.
Dewra 3. :Nexweş bi nivîna tê girêdan. Di poz de bi mayî tê xwedîkirin.
Dewra 4. :Nexweş dikeve komayê û ev koma dikare bi salan berdewam bike û bi mirinê dawî dibe.