MUZÎKA BÊ SÎNOR, divabû em navekî wesa li Festîvala xwe bikin.
Ev Festîvala toreyê ya li Welatê Baskan* (Pay Basque) pêncemîn hijmara xwe lidar dixe. Li ser vê xaka pîroz çanda mirovan ji nû ve dibe yek, ji nû ve hev himbêz dike wek ava Bidasoa** û Atlantîk (Atlantique) ; ji Kurdistanê ta Kêbêkê (Canada), ji Skotlandayê (Great Britain) ta Portugalê (Portugal) û Fransayê (France) hunermendên ji her çar alîyên cîhanî civîyne, bi dirêjîya çar rojan û her yek bi şêweyê xwe, tore, çand û hunera miletê xwe dîyarî me û mêvanên me dike.
Her sê bajarên Xûşk : Irun, Hendaye û Hondarribia*** yên ku sînoran, ew ji hev veqetandine ji nû ve, bi saya mûzîkê, hev û din himbêz dikin û sozên xwe nû dikin û vedijînin.
De werin da em bi hev re bibêjin : bi rastî sînor ji mûzîkê re nîn in.

* Basque Country : herêmeke perçekrî di navbera Fransa û Spanya de.
** Bidasoa : navê çemekî li ser sînorê Fransa û Spanya ye.
*** Navên Bajar ne li herêmê ne.

Ji Kurdistana Rojava, hunermendê kurd Miço Kendeş tevî vê festîvalê dibe, deng, reng û muzîka kurdî, di ser sînoran re, derbasî festîvalê dike. Li gora programê, di van rojan de, hunermendê me hunera xwe pêşkêş dike:

Fransa 19.08.2005

Spaniya 20.08.2005