YADÎ BI BÎRANÎNA ŞANZDEHSALIYA ŞEHÎDÊ NEMIR Dr. EBDUREHMAN QASIMLO

Em bi rêz mamosteyê demokrasiyê, alim û rêberê mezin têkoşer, şehîdê nemir 

Dr. Ebdurehman Qasimlo û hevriyên wî bi bîr tînin.

Dr. Ebdurehman Qasimlo û hevriyên wî şanzdeh sal berê, bi êrîşek terorîstî, 

bi biryara mejîtariyên destgemarî hatin şehîdkirin. Ew di demeke ku ji bo 

miletê kurd û ji bo hemû kêmnetewên Îranî bûbû hêviyeke mezin de, hat 

şehîdkirin.

Şehîdkirina Dr. Qasimlo qelsî û têkcûna dijmin ya li hemberî bîr û raya azad 

û demokratîk eşkere dike. Bîr û baweriyên wî rewşenbîrê mezin aştî, azadî û 

demokrasî niha bûne projeya demokratîzekirina Rojhelata Navîn û tarîtiyê 

ronahî dike.

Bi xwîn xwêdan û qaremaniya şehîdên nemir, li Başûrê Kurdistanê miletê kurd, 

bi yekîtiya netewî dîktatorî roxand  û dewleta xwe ya azad û demokratîk 

damezirand.

Ji bo rûmetgirtina bîr û baweriyên şehîdê nemir, ji bo berdewamiya doza Dr. 

Qasimlo, ji bo serkeftinê û ji bo bidestxistina mafê çarenûsî yekîtiya 

netewî pêwîst e.

Dr. Qasimlo û hevriyên wî ji bo ku miletê kurd bigihîje mafên xwe yên netewî 

û demokratîk bi qaremanî têkoşîn dan û gihîştine karwanê şehêdên azadiya 

Kurdistanê. Ew li her çar beşên Kurdistanê wek şehîdên nemir û rêberên doza 

pîroz tên bi bîranîn û di dilê miletê me de dijîn.

Baweriya me bi miletê kurd, bi heval, hevrê û hemû kadirên ku bi bîr û 

baweriyên nemir Dr. Qasimlo hatine perwerdekirin heye ku ew dê bêrawestan 

doza mafê miletê kurd heta serkeftinê bidomînin.

Şehîd namirin. Bila giyanê wan yê pak û pîroz şa be!

Mizgîniya azadiya hersê beşên Kurdistanê ne dûr e.

Bijî yekîtiya miletê kurd.

KOMÎTEYA HEVKARIYA HÊZÊN SIYASÎ YÊN KURD Û KURDISTANÎ LI SWÊDÊ

13/07-2005