|
Hoşeng Broka
Ku gulberoj, dihatin wexta
pencereyan;
pencereyên ku li pêjna me
dihatin
û li pêjna me
diçûn;
ku gulberoj,
wexta silava wan pencereyan
û wexta pencereyên wê silavê,
mîna destine
ji xwendina kevokan
û pê de,
diçûn wexta navên me,
em,
wan gulberojan,
yên ku pencereyan
bazdidan
civanên me;
em,
wan gulberojan,
yên ku pencere
li xwîna me,
ya li ser hemî rexnan,
vekirî,
diçûn;
û em,
wan gulberojan,
yên ku ji pencereyan
heta bi pencereyan bûn,
mîna du dîlokên nerm
ji devê êvarê
diherikîn.
* Ji pirtûka nebûyî, ku dê li jêr navê „ Bîra ji navê te heta bi
navê te“, biçe bîra weşanê.
hoshengbroka@hotmail.com
|
