Bi mebesta nirxandina karê rojava.netê û berfirehkirina asoyên karê wê, desteya birêvber a malperê civînek li dar xist.

Ji bo tekûzkirina şêweyê belavkirin û pêşkêşkirina berheman di malperê de, desteya birêvebir mercên jêrîn destnîşan kir :

- Rojava.net di serrastkirin û tekûzkirina babetan ji hêla rêziman û vekîtê ve azad e
- Ji derveyî nivîsên ku li ser navê HRKRD belav dibin, her nivîskarek berpirsê/a naveroka nivîsa xwe ye
- Rojava.net kesayetiya xwe a bêlayen ji hemû hêl û helwestên siyasî diparêze û xwe –wekû dezgeheke ragehandinê- têkilî nakokiyên hêz û kesayetiyan nake
- Rojava.net di hilbijartina babetên bo belavkirinê de, piştgiriya hemû şêwazên rêxneyê dike lê rê nade babetên ku hest û kesaytiya mirov û dezgehan brîndar dikin
- Di çarçeweya bilindkirina asta weşanê û beşdarbûna rewşenbîran di malperê de û geşkirina gotara rewşenbîrî, rojava.net radighîne ku rê bo hemû nivîskaran vekiriye ku bi berhem û nivîsên xwe malperê dewlemendtir bikin. Her weha derfetê dide hemî nivîskarên xwedî karîn ku pencereyên xwe yên taybet di malperê de vekin û birêve bibin.


Di dawiya civînê de, piştî gengaşiya derbarî pirsên ragihandinê û şêwazên parastina berjewedniya netewî û destnîşkankirina pirs û pirsgirêkên ragihandina bi kurdî bi taybetî, rojava.net dê peyama xwe di bin sîwaneya xalên jorîn de berdewam bike.
Di çarçeweya nirxandina karê malperê di dema borî de, desteya birêvbir lêborîna xwe ji hemû kes û dezgehên ku di rêya weşanên malperê de hatibin brîndarkirin dixwaze.

Di dawiya civînê de desteya nivîskarên malperê biryar da ku pirsên girêdayî rewşenbîrî, nasname û kurdî , di rojeva ragihandinên internêtê de zindî bihêle.



14. 09. 2005

Desteya Birêvebir a rojava.net

Selîm Bicuk
Ehmed Huseynî
Reşîd Hiso
Xelat Ehmed
Ferhad Ehmê