|
 
Peyiva serokê yekîtiya nivîserên
kurd-Duhok birêz Hesen Silêvanî ji
bo konfiranisê 5 ê
Berêz wezîrê rewşenbîrî yê
Kurdistanê– Felekedîn Kakeyî
Berêzan endamên perlemanê Kurdistanê
Berêz De. Fazil Omer serokê civata
parêzgeha Duhokê
Berêzan mêhvanên hêja nûnerên partên
Kurdistanê û dam û dezgehên
rewşenbîrî û mîrî û leşkerî
Berêzan nivîserên
Silîmanê-Kerikuk-Hewlêr-û Soran
Rêzdaran endamên konifiransê pêncê.
Bi navê desteka rêveber ya yekîtiya
nivîserên kurd-liqê Duhok,
bixêrhatina heweyên berêz dikin ji
bo hatin û amedebûna we di
konfiransê me yê pêncê de, yê piştî
serhildanê, yê ku li jêr ala û
azadiya Kurdistanê di seqayekî azad
û tena de dihête girêdan. Me li ber
bû konfiranis di demê xwe yê yasayî
de hatiba girêdan li 8/7/2006 , lê
babetê girêdana kongirê giştî yê
duyê yê her çar liqên Kurdistanê,
hate meydanê û komeka kombûnan
hatine kirin li Hewlêr û silêmanî û
Duhok, belê mixabin hewlên girêdana
Kongirê giştî ser negirt, lewma
salek û sîhû çar roj bi ser ve çûn.
Hêjayan: Li yekîtiya nivîserên kurd–Liqê
Duhokê, em şanaziyê bi mêjûya
serbilinda yekîtiya xwe dibin her ji
roja damezirandina wê li 12/8/1971
heta îro ku dibe 36 sal, çunke
endamên yekîtiya me di kawdanekî
dijwar de û di kupîtika dijwariya
hêza rijêma dîktaturiya gur bi gur
de, her berevanî ji hebûn û nasnama
xwe ya neteweyî kirine û parastine û
ziman û edeb û peyiva kurdî pêşive
birine û ji bo berevaniyê ji mafên
rewa yên miletê xwe, xwîna xwe ya
zelal gorî axa Kurdistanê kirin,
mîna şehîdên nemir "Mela Enwerê Mayî–Seyda
Salih Yûsivî-Seadalleh Avdel-Simko
Amêdî ".
em deyindarên nivîserên xwe yên
pêşînin, yên xizmeteka diyar di
meydana rewşenbîrya kurdî de pêşkêş
kirin û rê li ber me xweşikirin mîna
rehmetyên hêja "Sadiq Behaealdîn
Amêdî–Emînê Osman–Mela tahayê Mayî–Mela
Mişextî–Mela mehmûdê dêrşewî–Şêx
Memdûhê birîfkî-Sebirî Botanî–Heîder
Metînî-Mihemed Tahrê guherzî–Diyar
Doskî-Selmanê Kuvilî–Qesîm Hesen "û
gencên xwîngermên kurdîniyê yên zû
wexerikirin "Ebdulezîzê Hacanî û
Vehîlê Amêdî û Pêzanê Alîxanê ".
Hêjayan:
Piştî serhildana pîroza 1991 ê û li
jêr sîbera desthelata kurdî ya
xweser, perleman û hikûmeta
Kurdistanê, yekîtiya me biyavekê
qenc dîtiye ji bo belavkirina
hişyariya neteweyî û rewşenbîriya
demokirasiyê û mafê mirovî û giyanê
lêbûrînê û çandina tovê pêkive
jiyana ol û ayin û netewe û
rewşenbîriyên jêk cuda li Kurdistanê
û bersîng girtina hizirên tîrurê û
tarîstanê û kujtina jiyanê û
riswakirina hizir û hêzên dijî
serbora me ya hukmiranya kurdî, ew
ên herdem di hizira ristina pîlanên
neman û jinavbirina desthelata me
heyî, çunke ew naxwazin em tena û
rehet li ser axa xwe bijîn û rolekê
şarstanî bigêrin, ew ditirsin ko ev
tîrojikên demokirasiyê û azadiya
hizirê û mejê li Kurdistanê werarê
bike, hêdî hêdî li rojhelata navîn
belav bibe û ziyanê li hizirên
girtyên paşivemayên dîktaturî bike.
Mêhvanên qedir giran:
Rulê nivîser û rewşenbîrên kurd di
avakirina civaka kurdî ya nû de û
parastina destkevtiyên îro li
Kurdistanê heyin geleke, nexasim ku
Îraq ya di aloziyeka siyasî ya
aşkera ra dibûre û çavniqandineka
sor û sor heye li ser hindek madên
distorê Îraqê, yê ku hatiye pesend
kirin ji layê hemu alî û pêkhatên
siyasî, mîna mada 140 ya taybet bi
Kerkûkê û deverên dî yên ku ketin
jêr kartêkirina şonwarên siyaseta
erebkirinê, dive em gelek hişyar û
jîr bin li ser vê xalê û dakukiyê li
ser bicihînana wê bikin, çunke
gîrokirina wê pîlaneka dijminkariya
diyare û yariyeka bi çarenivîsê
kurdan ve.
Berêzan mêhvan û endamên konfiransê
me yê pêncê:
Bi navê xwe û desteka rêveber li
yekîtiya nivîserên kurd-liqê Duhok,
bi germî sipasiya serokatiya
hikûmeta Kurdistanê dikin, bi taybet
cenabê-Nêçîrivan Barzanê-serokê
hikûmetê, ji bo piştevanî û
harîkariya darayî û manewî ya
berdewam, ya ku ji bo yekîtiya me
pesend û pêşkêş kirî, di riya
wezareta darayî û abûrê de, ku me
şiyayî bi rengekî baş karê xwe yê
rewşenbîrî encam bidin û bi bawerî
berdewamiyê bidinê, ev piştevanî û
harîkarî nîşana handan û
pêşivebirina meydana rewşenbîriya
kurdî bi giştiye. her wesa em
sipasiya cenabê parêzgarê Duhokê
berêz-Temer Remezan-dikin, ji bo
harîkarî û asankariyên ku ji bo
yekîtiya me pêşkêş kirin ji bo
serekeftina karê me yê rewşenbîrî.
Hêjayan:
Ji konferansê çarê 8/7/2004 heta îro,
komeka xalên geş di karwanê
rewşenbîriya yekîtiya nivîserên
kurd-liqê Duhokê de bi dest ve
hatine, bi kurtî, dê çend xaleka
destinîşan bikim, mîna:
- Serikeftina piroja çapkirina
pirtûkan, yê li jêr navê "ji weşanên
yekîtiya nivîserên kurd–Duhok "ku
jimara pirtûkên çabkirî 107 pirtûkin,
hemî xerc jî li ser kîsê yekîtiya
mene û pirtûk milkê nivîserî ye,
piştî rakirina behira pirtûkxana me.
Bo zanîn pirtûkên nivîserên parçên
din yên Kurdistanê û yên li Ewropa û
Ûstiralya û Sofyêta berê dijîn
hatine çapkirin, wek handan bu
yekgirtina rewşenbîriya neteweyî. Ev
piroje berdewame û heta domahiya
2007 nêzîkî-20 -pirtûkên dî dêhêne
çapkirin û darayiya pêdivî dabînkirî
ye.
- Pêşkêşikirina piştevanya çapê bi
rêjeyeka sinordayî bû nêzîkî 110
pirtûkan, û handana berhemê gencan
yên endam û ne endam.
- Girêdana herdu fîstevalên Duhok
yên rewşenbîrî û vexwandina jimareka
mezin ji nivîserîn kurd ji
Kurdistanê û ji derive, ji bo
avakirina pirên rewşenbîrî di
navbera Duhokê û deverên dî de,
çunkî Duhok wek senterekê rewşenbîrî
ye û xurtkirina peywendiyan di
navbera nivîser û rewşenbîrên kurd
de.
- Fîstevala Duhok ya rewşenbîrî ya
yekê li sala 2005 ê li jêr dirûşma "peyva
kurdî sînoran dibezîne "û fîstevala
Duhok ya rewşenbîrî ya diwiyê li
sala 2006 li jêr dirûşma "Duhok pira
rewşenbîriya kurdî ye ".
- Xurtkirin û pêşdebirina
peywendiyên rewşenbîrî di nav bera
nivîserên kurd li Duhokê û herêma
Kurdistana azad û parçên dî yên
Kurdistanê û Ewrupa û welatên dîtir,
wesan kiriye ku bajêrê me Duhok ji
çarçûvê xwe yê berteng derkeve û
bibe senterekî rewşenbîriya kurdî yê
xurt. Îro baregayê yekîtiya
nivîserên kurd li Duhokê bûye mala
mezina hemû nivîserên kurd li her
derekê bin û em şanaziyê bi vê xala
geş dibin.
- Hinartina şandên rewşenbîrî ji bo
derveyî Kurdistana azad û berovajê,
pêşiwazya şandên rewşenbîrî li
Duhokê, armanceka me ya berdewame ji
bo peydakirina rengekî rewşenbîriya
neteweyî, dûrî hizir û dîtin û
boçûnên her nivîserekî û pitir
naskirina hev.
- Berdewamya bizav û çalakiyên
rewşenbîrî û girêdana simînarên heme
cur, ku nêzîkî 101 simînar hatine
gêran ji konfiranisê çarê heta niha
û pişkdariya şandên me di konfiranis
û fîstevalên wezareta rewşenbîrî û
dam û dezgehên wêjeyê de li
Kurdistanê.
- Berdewamiya derketina kovara me–Peyv–Li
dûv demê xwe yê diyarikirî, her sê
heyva carekê û delîve vekirin li
berhemên gencan, nexasim ew endamên
genc yên nû hatin wergirtin li
yekîtiya me, ku rewşeka nû dane
bizava me ya rewşenbîrî. 13 jimare
ji kovarê derketine ji konfransê
carê heta îro "jimare 30 heta 42 "ku
berêz De. Fazil Omer li pêşiyê
sernivîserê kovarê bûye û piştire
De. Arif Hîto bûye serinivîserê wê.
- Dewlemendkirina pirtûkxana
yekîtiya me, bi peydakirina pirtûkên
nû. “Bo zanîn pitirya qutabiyên
masterê li Zankoya Duhokê mifa ji
pirtûkxana me dibînin, herwesa
qutabiyên ku vekolînên derçûnê amade
dikin.”
- Pişkdariya yekîtiya me di du
pêşangehên navneteweyî yên pirtûkan
de, bi weşanên yekîtiya me,
pîşangeha firankfort li Elmanya 2006
û ya Hewlêr li sala 2007 , “bo zanîn
ev sale jî em dê pişkdariyê di
pêşengeha Firankfort de bikin û dibe
nûnerekî me jî lê amade be.”
- Avahiyê me yê nû, yê ku bi
piştevaniya serokatya civata wezîran
ve hatiye avakirin li ser rûyê 5500
m2 bi rengekî şaristanî û jêhatî, ku
bi nêzîkî kujimê 1190000000 yek
milyar û sed û not miliyon dînarên
Îraqê hatiye bicihînan, di gel hola
simînaran yaku hêj kar têde
berdewame û piştî heyveka dîtir dê
wergirin ji lîjna taybet ya
bicihînana wê ji layê şehrezayên
wezareta darayî û dîwana parêzgeha
Duhok û nûnerê yekîtiya me.
- Dirustkirina malpera yekîtiya
nivîserên kurd–Duhok, li ser tûra
enterinêtê bi şêweyekî serkeftî
liser navê: www.duhokuriters.net ku
deng û bas û bizav û nivîsînên me bi
xwe ve digire, her wesa berhevkirina
bernameyekî rewşenbîrî yê heftyane
bi hevkarya telefziyona
Kurdistan-Duhok, bi navê "Hêlîvan "
ku nivîserê hêja Sebirî Silêvanî
amade û pêşkêş dike.
Pêşkêşkirina harîkariya diravî ji bo
endaman li demê pêdivî.
Li domahiyê sipasiyek taybet ji bo
tev dam û dezgehên ragehandinê li
sinorê parêzgeha Duhokê ku harîkar
bûn di belavkirin û veguhaztina
bizavên me de.
Sipas ji bo dam û dezgehên polîs û
asaiyşê ji bo parastina êmnahiyê li
bizavên me.
Sipas ji bo hemî aliyên birosikên
pîrozbahiyê şandin ji konifiransê me
re.
Sipas ji bo yekgirtin û harîkariya
tev endamên yekîtiya me ji bo
serikeftina karê rewşenbîrî, ku me
şiyaye pêkve xizmeta bajêrê xwe
bikin
Careka dî sipas ji bo amadebûna we
yên berêz di gel rêzigirtinên
yekîtiya me
Hesen Silêvanî
Encamên hilbijartinan û desteka nû
ya yekîtiya nivîserên kurd
liqê-Duhok
Li dûv nivêsara parêzgeha Duhok /karûbarên
navxweyî jimare 304/ li 6 -8
-2006 li pey nivîsara yekîtiya
nivîserên kurd liqê - Duhok jimare
25li 4 -8 -2007 û biriyara
serokatiya dadigeha tawanan–Duhok
jimare 866 rêkeftê 9-8-2007 li
roja 12-8-2007 û li demjimêr "7 "ê
êvarî helbijartinên yekîtiya
nivîserên kurd–Liqê Duhok bi
amadebûna "183 " endaman ji koma
"220 "endaman hatin encamdan.
helbjiartin bi serperştiya
dadwer "Casim Mihemed Mistefa "
nûnerê dadigeha Duhok û berêz "Ehmed
Hisên Ehmed "nûnerê parêzgeha
Duhok. Herwesa bi amedebûna
lîjna serperşta konfiranisê ku pêk
hatbû ji berêzan:
1 -Measûm Mayî.
2 -Îzedîn Baqesirê.
3 -Enwer Mihemed Tahir.
Piştî dergehê hilbijartinan hatê
vekirin "18 " endaman xwe
berbjêr kirin.
Herwesan piştî dengdan bi şêweyekî
azad hate encamdan û piştî vavartina
dengan beramber amedebûyan, encamên
desteka ku nû hate hilbijartin ji bo
yekêtiya nivîseran kurd liqê Duhok
ji "18 " berbijêran bi vî rengê li
xwarê bûn:
1- Hesen Silêvanî………………………….122 deng
2- Mihemed Ebdûla………………………..98 deng
3- Selam baleyî…………………………….86 deng
4- Nacî Taha Berwarî……………………..82
deng
5- Beyar Bavî………………………………77 deng
6- Îsmaîl Hacanî…………………………..66 deng
7- Beşîr Mizûrî…………………….…...….65
deng
8- Ebdal Norî………………………..…….64
deng-endamê yedek
9- Kamîran Reşîd Berwarî………….…...62
deng – endamê yedek
|
