Êvar..xwe li pişt balkonê vedişêre,
û bi sivkahiya dizekî sivik, destê tarîya giran,
sivik dadihêje pencereya jûra bîranînên giran.
êvar..hûrik hûrik evê kolana ku mirinan tajo mala me, dixwîne:
li wir,
li kuçê çepê, yekemîn dil şemitî sînga ku ta niha ji xirecira henasan,
û behna mirinê..
ranaweste!?
li wir,
li kuçê beramber kuçê çepê, du can di zîzbûna tarîyê de diwerivin,
du can diwerivin gewdeyê şevê.
li wir,
li xwarê, di jêra belkonê de, di veşargeha pistepistên sar de,
xwedê xwe vedide!?
û…
êvar sil, şermok û tirsok.
êvar.. destên têkçûyî dide ber tava şevên zîvîn,
û xewa lerizî bi birûskên xewnan vediciniqîne..
êvar ji xwedê derbasdibe, di kuleka pîrabokan re, êvar ji xwedê derbasdibe!?
êvar derbasdibe..,
gava ku xwedê sernişîv di ber mirinê re, di kuleka pîrabokan re,..ziqdike..

08.06.2007
Burg