Arşevê Oskan

 

Di warê nivîsandina bi zimanê kurdî, bi taybet li Başûrê Rojava, çend nav hatine naskirin, û her yek li ser şêweyekî, ji şêweyên edebiyatê hatine rûniştin, bêyî ku kes bejna wan bipîve û wî mafî bide wan... wek mînak: helbest, çîrok, rojnamegerî û çend şêweyên din ji edebiyatê, yek ji wan navan (Konê Reş) e, ku di ser bîst salan re, ev nav bi dûv ketiye, di warê rojnamegeriyê de, lı başûrê Rojava.

Li ser malpera (rojava.net). Min nivîsa wî, ya di bin navê (Weşangeriya Kurdî Li Binxetê), ya ku di roja 02. 05. 05 an de, hatibû weşandin xwend. Wekî diyare ku nivîkarê me, li ser malbata Bedirxaniyan radiwest e. Ji wisa bêhtir.. ew di vî warî de hatiye naskirin, û car-caran jî, li welêt.. li ser goristanên axa û muxtarên herêmê, xitabên xwe yên pesindarî û fosforî dixwîne. Li gorî dîtina min, hevalê me, pir zîreke di hijmartina gorên miriyan de, û taybetmendiyên êlan, yan hijmartina govar û rojnameyên rawestiyayî de.

Lê mixabin ew yên sax nasnake û naxwaze nas bike. Ji bilî vî karî, bawer nakim ku ew dikare bi berhemeke dahînanî bête naskirin. Ya herî mirov pê xemsar dibe, ku ji ber rewşa zimanê kurdî û nîrên bindestiya wî, mirov nikare yên nivîskar û yên ne nivîskar, ji hev bide alî. Lewra ku her kes tê û xwe li meydana nivîsînê libadik e, bêyî ku bejna wî kesî bê pîvandin.

Ji bilî şaşiyên rastnivîsê, di vê nivîsê de, ku li ser asta rûpelekê, bi dehan şaşî hatıne peydakirin. Di gel ku pir nivîsên wisa lewaz hene, kes rojekê ji rojan, li ser wan nasekine û rexne nake, di derheqê wan de tiştekî nanivîse. Li vir tê diyarkirin, ku kes nivîsan naxîn in, yan jî kes newêr in, li ser wan tiştekî bibêj in, ji ber ku wê xwedanê nivîsê, ji wan bixeyide û li wan were xezebê, ev jî ne mijara min e...

Di vê nivîsê de, dema ku nivîskarê me tê û govaran rêz dike, wekî ku çavên xwe jêre girtibe, û kîjan govar neketibe serê wî, ew naniye ser rûpelê, yan jî, ji xwedanê wê berhemê dilsar bûye, qencî bi wî ne kiriye -di baweriya nivîskar de-… Mamoste Kon-Reş, ev ne qencî ye, ev dîrok û qedera gelê te ye, tu bixwaze nexwaze, ev xirecir wê berdewam be.

Mixabin ev form, ne li cem Konê Reş tenê peyda dibe, lê belê.. li cem hinekî din jî, ji nivîskaran.... xwedê giravî !!!. Hinek navan, di ser guhên xwe re davêjin, hinekan jî… ji ferhenga rojnamegerıya Kurdî, binpê dikin û çavên xwe, bi mebestî jêre digrin. Ango bi hişmendiyeke wısa lı paş, berpirsyariya dîrokî hildigr in, ev pirs di enacama xwe de, berhemên seqet di’afirîn e.

Di baweriya min de,Yan bila vê tevlihevîyê çênekin û keda hınıkan winda nekin, tevı ku nıkarın wında bıkın, yan jî, bıla bı qedera dîroka vî gelê reben nelîz ın… Heger wî mafî didin xwe, bila wî mafî bidin hinekî din jî, ku wan ji ferhenga nivîskaran bavêj in.

Dibe ku Konê Reş, bibêje min ne bihîstiye, yan ne dîtiye, ku ev berhem hatine weşandin, wek van govaran (Zevî(10), Hogir(2), Keskesor, Perwan(3) Gulîzar (12) hijmar ..... h.w.d … Ne raste, jı ber ku di piraniya wan de nivîsên wî hene. Wekî dizan im, di du hijmarên Zevî yên destpêkê de, berhemên wî hatine weşandin, di hijmara Zevî ya didwan de, pir pesin daye govara Zevî û ew wek nemûneya rojnamegeriya kurdî, li Basûrê Rojava dîtî ye.

Ya ku mirov matmayî dihêle, ku di destpêka nivîsa xwe de gotiye: "Divê mirov di ser berhaman re qeviz nekin, di ser re derbas nebin, di ser guhan re navêjin, mirov nikar çavê xwe jê re bigre".... yan jî mebesta Konê Reş, ne Serxet û Binxet e, ji ber wî gelek xet, li pêşya xwe danîne û naxawze wan xetan debas bike. Dibe ku tenê tiştên, li ser asta bajarê Qamislo diweşin, ew hijmartibin... wê demê, emê derbasî mijarin din bibin.

Dı dawî de, dixwazim wê pirsa, ku tim xwe dûbare dıke, bikim: Gelo bi vê hişmendiyê, mirov dikare barê rastiya dîroka wêjeya kurdî hilgire yan na ?.