|
Ciwan Dêrikî
Nêçîrvan im
Li asoyê nêçîrê dikim
Tîran tavêjim dilê tariyê
Dixwazim kezeba wê
Li birçiyan bela bikim '
Rêwî me
Li bayê siwar im
Rawestgeha min
li ser tavê ye
Tajom bê westan '
Gava peya dibim
Stêrekê diyarî ezmanan dikim
*** ***
Agirperes im
hêviyê didim rût û taziyan
Kuloxê Nemrûd bi tîna xwe
Dipişêvim
hestiyên wî dikim
stûna konê şevederan '
Mirov im
Çavên xwe
Li jîndaran digerînim
Bi cobarên dilê xwe
têhna wan dişkînim '
Dibim ba
Baweşînê li şewitiyan dikim
Dibim ronahî
Bedewiyê didim xwezayê
Evîndaran
Dikenînim
*** *** ***
|
