Kurtejiyana Mehemed Uzun

Mehemed Uzun sala 1953-yê li Swêregê ji diya xwe bû, xwendina xwe ya heta amadeyiyê li Swêregê temama kir. Ew di gêncîtiye xwe de bû welatparêz û şoreşgerê kurd. Piştî darbeya eskerî ya 12-ê adara 1971-yê ew jî li Diyarbekir li gel welatperwer û şoreşgêrên kurd hat zîndan kirin.

Piştî derçûna efuya giştî ya sala 1974-ê Mehmed Uzun li Komal_Rizgariyê berdewamî da jiyana xwe. Li Tirkiyeyê ew bû berpirsê weşanê yê kovara Rizgariyê. Bi jihevcudabûna Rizgarî û Ala Rizgariyê ew demekê li gel Ala Rizgariyê meşiya.

Di sala 1977-ê de ew ji welat derket û li Swêdê bicîh bû. Li Swêdê demekê bi navê Rizgariya Kurdistan kovarek derxist. Ji sala 1985-ê pê ve dest bi nivîskariya edebî kir û romana xwe ya pêşîn Tu di 1985-ê de li Swêdê weşand. Ji wê demê bi vir de wî gelek roman û xebatÊn edebî yÊn din weşandine. Berhemên wî bi kurdî ne, Ew hatine wergerandin ser tirkî, Swêdî, norwejî, almanî, îngilîzî û hin zimanên din. Temamiya romanên wî ji bal Muhsin Kizilkaya va hatine wergerandin ser zimanê tirkî û weşandin.

Mehemed Uzun emdamê Yekîtiya Nivîskarên Swêdê bû wî demekê di birêvebiriya vê Yekîtiyê de kar jî kir. Ew endamê Pan Kluba Swêdê bû, di Pena navnetewey^ide aktîf kar kir. Ew bû endamê Yekîtîya rojnamevanên Swêdê û ya Rojnamevanên Cîhanê jî

Ew ji ber romana xwe ya Ronî Weka Evînê Tarî Weka Mirinê, (Aşk Gibi Aydınlık Ölüm Gibi Karanlık) û ji ber xebata eseyî ya bi navê Kulîlkên Hinaran (Nar Çîçeklerî) sala 2001-ê li Tirkiyeyê hat berdadkirin.

Her wê salê wî xelata Yekîtiya Weşînerên Tirkiyeyê a Azadiya Ramanî û Raderbirînê wergirt. Xelata Edebiyatê a Enstîtuya Berlinê, xelata Qelema Azadîyê a Torgny Segerstedt û di sala 2002-yê de xelata Stina Erik Lundeberg a akademiya Swêdê wergirt. Ji ber xebatên edebî wî sala 2005-ê Xelata Rêzlêgirtinê a hukumeta Kurdistana federe girt.

Berhemên wî

- TU (Sen), Roman, 1985;
- Mirina Kalekî Rind (güzel bir Yaşlinin'in Ölümü), Roman, 1987;
- Siya Evînê (Yitik Bir Aşkın Gölgesinde), Roman, 1989;
- Rojek ji Rojên Evdalê Zeynikê (Evdalê Zeynikê'nin Günlerinden Bir Gün), Roman, 1991;
- Destpêka Edebiyata Kurdî (Kürt Edebiyatına Giriş), İnceleme, 1992;
- Hêz û Bedewiya Pênûsê (Kalemin Gücü ve Görkemi), Denemeler, 1993;
- Mirina Egîdekî (Bir Yiğidin Destanı), Destan-Ağıt, 1993;
- Världen i Sverige (Tüm Dünya İsveç'te), Edebiyat Antolojisi, M. Grive ile Birlikte, 1995;
- Antolojiya Edebiyata Kurdî (Kürt Edebiyat Antolojisi), Antoloji, du cilt, 1995;
- Bîra Qederê (Kader Kuyusu), Roman, 1995;
- Nar Çiçekleri, ese (tecrube- deneme), 1996;
- Ziman û Roman (Dil ve Roman), hevpeyivîn, 1997;
- Bir Dil Yaratmak, Söyleşiler, 1997;
- Dengbêjlerim, Deneme, 1998;
- Ronî Mîna Evînê - Tarî Mîna Mirinê (Aşk Gibi Aydınlık Ölüm Gibi Karanlık), Roman, 1998;
- Zincirlenmiş Zamanlar Zincirlenmiş Sözcükler, Deneme, 2002;
- Hawara Dîcleyê/Dicle'nin Sesi I - Hawara Dîcleyê (Dicle'nin Yakarışı), Roman, 2002;
- Hawara Dîcleyê/Diclenin Sesi II - Dicle'nin Sürgünleri, Roman, 2003.
- Ruhun Gökkuşağı,Roman,2005




Çavkanî: netkurd