|
Ber bi asoyan serî
hilde
Lava Derwêş
(Ji bo pakrewanê serhildana Qamişlo)
Şevnem diwerihin,
Li kolanên dilê buharê
Bi axîn
Sîbera mirinê
Xwe berda bedenê ciwan
Çavên reş mîna şevên tarî,
Xilmaş in dayê
Gulek sipî li dest e
Zemîn sor e
Adar e
Şîn û sema li dar e
Bajar ser singa latan
Evîndarê xwe,
Lehengê welat
Zarokê roja nû
Bi xecxecokên sor û sipî
Dixemiland
Serî hilde ber bi jor
Ber bi asoyê
Bililind û fireh
Weke dilê te Qamişlokê
Weke dilê te.
Guleya kînê
Vîn û evîna salan
Nependî nekir
Xweliya bêdengiyê rakir
Ji ser xwe,
Bedenê vî erdî perçe nekir..
Ji ber Qamişlo.. Helepçe ye..Mehabad e
Hewlêr e û Amed e
Çavreşên wan…
Li her aliyek
Li her buharekê ..
Beybûn û nîlover in
Hêstirçavên welat in
soza keskesorê didin adaran
|
