Çi bikim ji vê çerxa ku weha kembax
Li me hejandin şane ji loxên dil çi ji nax

Ba ne jîm di çax ger tu nebê perdîsa bax
Can tuwê Xusrew me tenha cesteye kax

Ji siruştê peyamberan çi koleyîn ji te ra ax
Ma peyamber bi şaxin heta li me bihên şax

Ji peristin geham Xoda sîratê Zerdeşt sorax
Cawîdan bi te ra ji navok me vedan gax

Çi kesê agirê me nebîne ji sermed çirax
Kore ji çavan na bînitin xor aterkeda zax

Vedikuje napesendên mîna Omer bi necax
Bi agirê xwe dişewitîne li rûyan vedike dax

Bi te ra çi ketîn rencê, kêferatê herku siwax
Ba ji te ra kole bîn bimeşîn bi du laşax

Li nîvê şevan ji vîna te çi dinalîn ji birnax
Ku li me buye roj daketîn spîdê elinde çax

Hezar drûd li te bin ey Magoşê keftî şax
Qureyşî girtî name ji yesnayên te yên pax


Ji dilê me xûn rûbarin bi salan dibarin ji cegerê bi nox
Me fîxan geha xerçeng jenî zeng ji peristgeha mazlox

Ji axê me sax te na berdim bi dax ji derguşê heta ax
Mîthrayî me ji regez Kurdim weke Pîrê me î mandox

Wekî Pîrê ketî hizirên binê bîrê me dil vebu ji zincîrê
Diçîn gerdûn mîna tîrê ji rengê peyamê li Gutî Nox

Ji xor jêdera jînê çi di drexşîn ji perstin di teyîsîn
Firîşteyîn şêwe Vayo li payê peyamberê Şehrnox

Na kevîn bi talanan parvenabîn bi çengalan bi Enfalan
Ji reng ressenê li Şeng Alan me can yeke nabe açox

Ger nizanê ji çi olim li Agnî binêr wê bibînî çi kesim
Ma kî dizane ku difirim di gerokê li hawir te çiraxê tox

Vîna te kirim gopal xistim destê kovanan bume ev kov
Ceste xweliya Aramîtî cawîdan Tu canê ezim kamox

Vê xezalê vê şepalê herdem min tu li balê
Ketim şopa ewê xalê di serrêhlînkan çi di nalê

Nav ji dengê te Şeng Alê çi nîşanê li wê palê
Ji me bir hoş te reng alê ketîn derdê ah û nalê

Çi Indra li ser alê vedan gulmêx li hemî alê
Bi qurbanim ger tu nebî ba ser biçe kûre çalê

Yê xwe dikuje te delalê bi xwe miriye hemî salê
Wek xeran ketin pêkolê çi tirsokin ji xwe dolê

Hemî duniya me bisojê te naberdîn weke nojê
Xamoş nabîn mîna rojê wê veweşîn vekîn tolê

Min dîn navê bi xwe dînim ji şox evîna te ya şeng
Bêyî tu qet hebun nînim lew li me dil buye teng

Divê vegerê te hembêzim ji bêyî tu çi bê rêzim
Dem bi gavê te dimêzim megesim keftîme heng

Kalemêr divên ji vê gêrê davan vekohin bi cencêrê
Nebin berxê li bin kêrê serî ne hildin kore qirjeng

Xortê te di deriya çi nehengin li kohê te çi pilingin
ji bu xorê pir bi cengin wê li bin şewqê bikin aheng

Ger ne Kurdim ne Êzîme er ne Êzî bim Kurd nîme
Di vê rê da em hemîne netewe li pêş me daye veng

Dijmin bizane çend tirsokê li we şel ketiye çokê
Xwe dipeqînî bi zarokê ev li me qet nabe asteng

Nakim fîxan wek lawazan nakevim lav ne jî gazan
Gamêş divên li hevrazan te qurtal kîn ji rojê teng.

1.
Eger ava engor neba
Ez da çi kim li nîvê şevan
Lê dizanim eger nebam
Da nebîtin saqiyê min
Yê cîhan jêra dikin nivêj û sema.


2.
Ger ne li ser xatira yekê ba
Eza çawa yekê perêsim
Hema carekê bi hatina xwe
Çavên me rohn bike
Belku Xodê bibînim.

3.
Vê ruwangeya bêpayan dibînî
Ne tu serî digrê ne binî
Li xwe tê digerrî ku windayî
Ji erdê heta Xodayî
Kevaleke ji serabê tenha sîhbera minî.

4.
Ava engor dilopek ji deriyayê came
Ku mestiya jînê pê berdewame
Droxger dibêjin ne vexûn li ba Xodê herame
Pa çima demê me xwest ku vexûn
Ji berî her kesê wî bi xwe da me.