|
Hêro Talebanî: Kuştina
Duayê diyarde û planeke nû ye bo peydakirina
nakokiyan di navbera kurdên misilman û kurdên
êzîdî
Hêro Talebanî banûya yekê ya Iraqê di
hevpeyvînekê de ku nefel.com li Silêmaniyê pê re
çêkiriye bîr û baweriyên xwe ser bûyera kuştina
keça kurd a êzîdî Duayê anî ziman. Hêro Talebanî
bal kişande ser wê yekê ku bûyerên kuştina jinan
li gelek bajar û deverên Kurdistanê pêk tên, lê
pirsyar ew e „ aya çima li bajarên dî problemên
wekî vê wiha mezin nakin.“ Di baweriya Hêro
Talebanî de tişta ku qewimî bêtir „ meseleyeka
siyasî ye“ û her weha „diyardeyeke nû ye û di
nav êzîdiyan de reftareka wiha nîne“. „Dijminên
kurdan xwest vê problemê bikin nakokiyek di
nêvbera kurdên misilman û kurdên êzidî de.“
Keça kurd a êzîdî Dua Eswed bi destê malbata xwe
hatibû kuştin. Li pey kuştina wê gelek aliyan
belav kir ku malbata wê ew kuşt ji ber ew
misilman bûbû. Tevî ku malbata keçkê ev yek red
kir, lê dîsa jî ev nûçeya kuştina wê ji ber „misilmanbûnê“
bû egera êrîşa li ser karkerên êzîdî yên li
gelek bajarên Kurdistanê kar dikin.
|
