Lorîneke lal
Kamran Simo Hedilî

birûskên
çeperên hêviyê
dengvadanên
loriyên mextela dîliyê
bê peyv
tu afirandin
salên min şad
meh evîndar bûn
ne hevokên dirêj man
te
bi wan hembêz bikim
û ne jî
kenê
xeyalan bibe serkeftinê
roj
serxweşên hesretkêş in
şev
evîndarên evîn têkçûyî ne
janetirsê
rengê kulîlkan dizî
sitûna wêrekiyê herifî
tarî
hate berwarê şadiyê
rûbarê êşê
siwarê jîna gerok e
dil
xweliya bêrîkirina xwe dixwe
awirên dojehê
ez hingaftim
jiyan bû lihêfa kurt
bi jor ve
dikişînim
teliyên pî
dimînin sêwî
bi jêr ve
dikişînim
guh û mil
diçine serma bakûr


04.03.2007









                                                                     

ji bilî nivîsên ku bi navê Hevgirtina rewşenbîran û bi navê malpera rojava. netê
werin weşandin, her nivîskarek berpirsê naveroka nivîsa xwe ye!