Ji zargotina biyaniyê

Serhan Îsa

Di rojavayeke hêmin de,

ku gurehên xwe yên dawî,

didan ber dirwanê, 

du dildar,

bi ser deydîk û kursiyan de

diherikîn qulpeke har...!

gurcek:

   kerikên xwe diqurêfe,

   henteşeke mermixî,

   û şîrvalkiyê mîna kurteseyraneke tewlaz

   disipêre daran,

   ...?!

   û

deydîk

           dinale...?

  dildar bi keçikê re

            li ser sirûdeke bi çêl,

di çokdana qublet

û qoriyên berbangan de

dikeve girewdanê...?!

û bi mêraniyeke rahêjandî,

bi pêçikên xwe yên xiloxavî,

yên ku gelek caran,

qembûrên rengereng

li wana êwirîne,

ji ser du dombelanên

ku hîna kesek hînî ciyê wana nebûye

tozê dide alî...!

û deydîk   di   na   lê.............

Keçikê weha dikire vingeving:

 gulîstaneke bê sînor û bexcevan im,

 bila mêweyên min,

 di henteşa te ya sincirî de

 kulîlk bidin!?

 Bila di pêsîra wê navkelê de

 her tişt bête berebat kirin...?

 bila perdeyên şermezarî / tirsê /

 yên keçkaniya min

 di şîpeşîpe xuhdana te de bêne şuştin

keçik her tiştî di girewê de ji dest dixe?

tenê gurzek ramîsanên

ku li ser lêvên

her jineşevan de dimîne,

ji bo mêvanê bûkaniya xwe qezenc kir!

Rastbêj weha ji xwe re dikire pistepist :

rastbêjekî bê guneh im ez,

hilnadim ber bi jor destmalkan,

ji bo wan çêlkevokan bilez!?

rastbêj bi ser sawîr û bîranînên xwe

yên kizirî de noq dibû

û weha bi xilbexilbeke kewitî

bi ser tenhatiya xwe de

                                    di

                                    ba

                                    ri

                                    ya?

    bêyî ku minminîkekê bibizdîne

    yan jî çuqliyekî veciniqîne

              û

              d

                   e

                        y

                     d

                  î

              k

                 û

                      k

                         u

                            r

                         s

                      î

                       di   kû   ri   yan???

المقالات المنشورة تعبر عن وجهة نظر اصحابها ولا تعبر بالضرورة عن رأي الموقع
 

HEVGIRTINA REWŞENBÎRÊN KURDÊN ROJAVA LI DERVE