Qado Şêrîn 07-09-2005

 

Piştî têkçûna çalakiyên salvegera 12 adarê li sê welatên Europî; Elmanya, Holenda û Belcîka bi sedema hin kesan, me nifşekî ji rewşenbîr û kesên serbixwe Bangek di riya malperên kurdî re ji partiya YEKÎTÎ re, hinart. Di banga xwe de me ji partiya YEKÎTÎ xwestibû ko wan kesên ko bibûn sedema têkçûna çalakiyan ji partiya xwe biqewitînin, an jî bi şêweyekî ji şêweyan wan ceza bikin, dako wê partiya mezin û pîroz û çalak ji wan endamên xêrnexwaz paqij bikin, dako partiya YEKÎTÎ çalaktir û pîroztir bibe, her wisa me di banga xwe de diyar kiribû ko ew endam dibin sedema ne yekbûna kurdan li Europa, her wisa ew kes gelek caran bibûn kelem li pêşiya tevgera kurdî li Europa dako kar û xebateke pîroz bi hevûdu re nebe.

Îca ez bi navê hemû rewşenbîr û kesên ko bi navê xwe piştgiriya banga me kirin, spasiyên germ pêşkêşî partiya Yekîtî a kurd li Sûriyê dikim ko li banga me guhdarî kirin û piştguh nekirin û ew endamên han ji partiya xwe û tevgera kurdî qewitandin. Wan bi vê gava pîroz û mêrane ne tenê partiya xwe ji wan kesan paqij kirin, belê tevgera kurdî hemû jî ji wan rihet kirin.

Partiya Yekîtî bi vê gava pîroz diyar kir ko ew ji bo berjewendiya milet û welatê xwe li rewşenbîr û pêşniyarên gelê xwe guhdarî dike, bi hêviya ko hemû partî bidin ser vê riyê û li rexne û pêşniyarên kesên serbixwe guhdarî bikin, dako xêrnexwaz ji nav me û tevgera me rabin, helbet wisa dê tevger bi tevayî bi pêşde here, çimkî berjewendiya partî, milet û welat di ser a kesan reye.

Hêjayî gotinê ye ko me piştî têkçûna çalakiyên 12 adarê bangek belav kiribû û me ji partiya Yekîtî xwestibû ko endamê xwe E. Hemo û grûpa wî ceza bikin, çimkî ew bûn sedema têkçûna çalakiyan.

Dubare û sêbare spas ji bo partiya Yekîtî ko ew kes ji nav me û xwe qewitandin û hiştin ko banga me encam bide. Ev yek ji bo me hemiyan dê encameke baştir li Europa bide.

Her wisa gelek spas ji bo hemû kesên ko bi navê xwe û bi mêrane piştgiriya banga me kirin.

http://www.tirej.net/index.banga12adarre.htm