|
Daxwiyaniya Zürich ê:
Damezrandina „Saziya Berevaniyê bo Mafên Jinê û
Kêmayetiyan,
li Rojhilata Navîn û Bakurê Afrîkayê
(MEMWA)
Azarkêşana jinê û kêmayetiyan, li Rojhilata
Navîn û Bakurê Afrîkayê, parçeyekî, ku nayê
cudakirin, ji azarkêşana gelên wan herêman e.
Ew azarkêşan jî, di demekê de tê, ku li hêlekê
ne demokratî heye, û ne jî mafên mirovan beşdar
in, û li hêla din jî, pirrayetî di serdestiya
xwe de, berdewam in, û radîkaliya olî jî, roj bo
rojê, zêdetir dibe.
Bi vî awayî serdestiya siyasî û xeternakiya
dewleta olî, mîna du destên yek taristanê, gefan
li mafên jinan û kêmayetiyan, dixwînin. Lewma,
em dê bi hev re, kar bikin, ji bo ku li
komelgehên me, dewleta sivîl, were avakirin. Û
herweha em dê têbikoşin, ji bo ku çanda
demokratiyê, azadiyan, mafên mirovan, û çanda
tolerensgirtina cihêrengiya neteweyî, olî,
zimanewî û mezhebî, li ser binaxeya wekheviya
kamil, were rûnandinê, daku bê cudahîkirin mafê
tevlîbûna çalk, bo her kesî, di gerandina
karûbarên welatên me de, were bicihkirinê.
Lewre, di navbera 24-26ê Adara 2007an de, li
Zürich ê, kongreyek bo damezrandina saziyekê ji
bo berevaniya mafên jinan û kêmayetiyan, li
Rojhilata Navîn û Bakurê Afrîkayê, hate
lidarxistin. Di vê kongreyê de, birrek ji
niwênerên kêmayetiyên cihêreng, û gurûpek ji
ronakbîr, lêkolîner, akadêmîsiyên, û mêdyanasan,
ji hundirê Rojhilata Navîn û derveyî wê, ji bo
piştgiriya jinan û kêmayetiyan, beşdar bûn.
Damezrêneran li ser destpêşkeriyê, li hev kirin,
ku saziyeke navdewltî ji bo berevaniya mafên
jinan û kêmayetiyan, li Rojhilata Navîn û Bakurê
Afrîkayê, were sazkirinê, daku hevfamkirin û
hevkarî, di navbera kêmayetiyên cihêreng de,
xurttir û bihêztir bibe, û herweha rê li ber
zordariyên, ku li ser xelkên wan, berdewam tên
kirin, werin girtinê.
Li ser boçûna damezrêneran, ya ku ji binaxeya
hawelatiyê, welatperweriyê, biratiya mirovane,
baweriya bi karê demokratîk, rêkkewtinên
navdewltî yên di derbareyê mafên mirovan û
daxwiyaniya kêmayetiyan de, û herweha ji
binaxeya rêzgirtina ji bo cihêrengiya mirovane,
dest pê dike, damezrêneran li dawiya kongreyê,
biryara van wesiyetnameyan dan:
1. Damezrandina navenda saziyê, ya sereke, li
Zürich ê, ligel damezrandina hin şaxên din, li
hin bajarên din yên sereke, li cîhanê.
2. Encûmena sazûmankar, ya saziyê, ji rêzdarên
ku li ser vê daxwiyaniyê, imze kirine, pêk tê.
3. Tewawkirina ruxsarê qanûnî ji bo vê saziyê.
4. Damezrêneran li hev kirin, ku helwestên
yekgirtî beramberî zordariyên ku kêmayetî rastî
wan tên, werin wegirtinê, û herweha di heman
derbareyê de, û ji bo bidestxistin û
rêyalîzekirna wan mafan, biryara deranîna
daxwiyaniyên hevbeş, û karkirina hevbeş, li ser
asta navdewletî, hate standin.
5. Ji bo koordînekrina çalak di navbera
kêmayetiyan de, û li jêr mercê lidarxistina
civînên peryodane, bo nirxandina rewşa
kêmayetiyan û deranîna raportên salane û giştî,
di derbareyê hemîşe rewşa wan de, damezrêneran
biryara wergirtina hindek mîkanîzmên sînordar,
ku dê paşê werin şirovekirinê, dan.
Dr. Saededîn Ibrahîm
Dr. Şakir El-Nabulsî(serokê kongrê)
Dr. Şefîq Ewed(rawêjkarê qanûnî)
|
