|
Di Hezkirina Rewandizê
de
Besam Mistefa
Çendîn ji Rewandizê hez dikim!
Bilindin çiyayê min/wê
Befra bîreweriyê dihelîne
Deşt,
Pencereyên dûr
Tirênên bê daniştok..
Di rê de, bi giya re radizim
Girekî li xwe mehr dikim
Dixindirme bestê
Ji robaran tika dikim ku robar bimînin
Xwe dispêrim xakê-xaka xwe-û radizim
-Jin-qereçiyên rep hene-
-Şoreşvan...-
Çixareyên ku ne diwestin..nejî xilas dibin
Û qehwe..!
Giriyê min tîne:
Bajar, gund, beyan, kolana asfalta sêwî
Rûyê dayika min, jinên reşgirêdayî
Dol, newalên ser destên terikandî
Rûyê keçeke mirî...
Dîktatorên çilmisî ku kodika min li xwe parve
dikin
Şikestin....têkçûûûûn
Bihna wê....
Gundên li ber dergehê Amedê..
Mihababê...
Belav dibim berî ku gotina xwe bêjim
Di navbera Hewraman û gundên Sablaxê de..
Çendîn qehpik û bajar min dagîr dikin!?
Zarok im
Bilind im
Bilind in çiyayên min/wê
Reşê çirisandî
Bêdengiya bi xirûcir
Û laşê dagîrkirî
Xûz dibim, ez dibêjim:
Welatê min!
Ji te hez dikim...
Ji yekem laşfiroşa te heta bi
Şehîdê te yê dawî, hez dikim!
Bê hiş berbi te ve têm
Tu sipî weke befrê,
Derbasî xewna min dibe.
Wan fêr bike ku min hişyar nekin
Di xewna xwe de te dibînim
Aniha
Bê hiş im
Bê bîrewerî me
Bajaran dikujim
Li heriya xwe vedigerim
Pêve/bi teve dibim.....
Bibhîze:
Çiqasî di tengavê de me
Tengava hezkirina Rewandiza ku min ew
nedîtiye....
6/4/2007
|
