|
Li benda kî dimînî?
Kî li benda te ye?
Kelduman,
qehwe,
xilmaşiya sîtafkan..?
Birînên kelhê
pencer vekirin.
Helma şevê,
kildanê şevgeryanê,
pêngavên lehingan in.
Şevçiraxên te
li şûna asîmanekî sax dipijin!
Di girnijîna helbestê
reşbelekên te
kevokên derya ne
fernaz in.
Bendî me ez.
Bendî yî tu.
Bendîvanê me sergovend e.
Soravên gazindeyan
xema pêçayî,
kena pêçayî û qêrîneke berwext.
Ji qehwê
siwarê şeva min difurê
Kîjan gustîlkê
di koşa tariyê de,
li Memoyî berbend bikim?
Kî dê..
ji tîrêjên heyveke tarî
roniyê li xwe bike?
Mignatik
awirên ji bendîmanên têrnebûyî
bêhiş dike.
Rondik di çavan de
Kenîn zivrandim
Silav, keko
firşte,
fereşîn,
awaz û
gulavek bêdawî ye
Reşdala gêj
li ber bayê xwe
mest
şadî
xewnexweş
leyzand.
|
