Duwa Sibehê
Amîn amîn,
xwedê tibarek li dîn,
Tifaqe li tifaqîn,
Xwedê esil xaliqîn.
Bi hîmeta melek Şemsedîn,
Amadîn,Babadîn,Nasirdîn,
Sicadîn,melek Fexredîn
Şêşims li ser qeweta me û dîn,
Melekê Adî tac e, ji ewil heta
bi axirîn,
Ya xwedê tu derê xêran veke,
derê şeran wergerîn.
Berî roj ziriqî ,
Melek li ber şefiqî,
Nûr bû ji nûrê tifiqî,
Siphan ji te xaliqî.
Ji malê hetanî malê,
Şêşims e xwedanê sêqalê,
Dest û dêmanê Şêşims, nabirim ji
xeyalê.
Ji derecê hetanî derecê,
Şêşims e xwedanê ferecê,
dest û dêmanên Şêşims Radimûsim,
li dewsa kabê, cîyê hecê.
Ji sitûnê hetanî sitûnê,
Çil mifte heye, li derê Xizînê
Şêşims dane destê xwedanê
marîfetê û nasînê.
Ji çavan hetanî devî,
mora Şêşims lê dikevî,
Mora melika germ e, nahêlê tû
binivî.
Ji serî hetanî bêye piya ,
ya Şêşims te em danîne devê riya,
Dîndara xwedê û Şêşims em
nabirin ji hêviya.
Ya Şêşims te em xwestine ser vê
xilmetê,
Li me vekî dergehê rahmetê,
Ronahiyekê bidî ber dilê me, û
çendî sinetê.
Sinet ku sinet e,
zebûnî kêm taqat e
Me bi xwedê û Şêşims î bi niyet
e
Sunî kû sunîn e,
zebûnî ji bandî ne
Em ji xwedê û Şêşims bi hêvî ne
.
Şêşimsê me yî nûrîn e,
Li ser kursiya zêrî ne,
Mifte û kilîtên Feqîrê mezelê bi
destê wî ne.
Ewe vedike derê hemû birîna,
Sed xweziye min e bi wî be,
Şêşims bidê û jê nestî ne.
Wê zor dereca ragihînek ,
li dîn Tifaqe li tifaqîn ,
Xwedê esil xaliqîn.
|
