|
Şerê Sedsalê!
Tariq Hemo
tariqhemo@hotmail.com
Rojnameya "Sunday Times" derbarê Iranê de
şîroveyek balkêş belav kir. Rojnameyê ida kir,
ku Israîl ji bo mahfkirina nuqteyên geşkirina
nuklerê amedekariya derbeyek mezin dike. Li gorî
"çavkaniyên taybet" yên rojnameyê, ev derbe wê
bi riya hêzên hewayî yên Israîlê pêk bê. Ji bo
mahfkirina 3 nuqteyên geşkirina Blotonium û
Yoraniumê dê dewleta cihûyan ji bo cara yekem
bombeyên nuklerî ên "biçûk" bi kar bîne.
Ji aliyê xwe ve hikûmeta Israîlê derbarê vê
şîroveyê de daxuyanî derxist û nûçeya rojnameyê
li derewê rast kir. Iranê jî nûçe cidî wergirt û
da zanîn, ku "hemû şêweyên êrîşê li dijî xaka
komara islamî wê li reyaksyonek xurt rast were".
Hin çavkaniyên artêşa Iranê jî diyar kirin, ku
biryar heye, artêş berseva derbeya Israîlê piştî
3 deqeyan bide...
Israîl derfetê nade rejîma Meleyên Tehranê ku
programa geşkirina nuklerê bidomîne û bi
serkeftin bombeya nuklerî bidest bixe. Ev yek
her car ji aliyê rêviberiya Tel Avîvê tê
dubarekirin. Beriya çend heftiyan Serokwezîrê
Israîl Eyhûd Olmert jî eşker diyar kir, ku
Israîl welatekî xwedî bombeya nûklerî ye. Her
çuqasî ku Olmert ev yek wek "şaştiyekê" jî pişt
re diyar kir, lê signala ku dixwest Tehran ji dû
van gotinên wî bigre, gihîşt cihê xwe…
Amerîka jî li ser mesela bikarîna hêzê li dijî
Iranê radwest e. Wezîrê Parastinê yê Amerîka ye
Robert Gates di dema serdana Iraqê de diyar kir,
ku DYA dê demek dirêj li herema Kendava Erebî(
Farsî) bimîne. Ji hingî ve bi dehan gemiyên şer
yên DYA û Brêtaniya yê ber bi Kendava Erebî ve
diherikin.
Georg Bush jî biryara şandina 40,000 eskerên nû
ji bo Iraqê da.
Heger hat û Israîl êrîş bir ser Iranê, bi tenha
serê xwe an jî li gel DYA û Brêtaniya yê, dê çi
bibe?.
Bê guman dê Iran bê bersev nemîne. Dê yekser bi
rokêtên (Shihab) êrîşî Israîlê bike. Dê Hizbulah
jî li dijî Israîl bikar bîne. Mudaxeleya Iraqê
bike û hewl bide hêzên Amerîkî li wir tengav
bike. Lê ewê nikaribe êrîşek vekirî bike. An jî
êrîşa man û nemanê( mînak: Bi karanîna çekên
kîmyawî). Ji ber ku berseva DYA û Israîlê dê
dijwar be û dikar çekên nûklerî jî bên bikar
anîne. Ji xwe niha gemiyên şer yên DYA û
Brêtaniya yê yên li derdora delavê Iranê diçin û
tên, hemû tije bombeyên nuklerî ne.
Şerê rojava li dijî Iranê, dê şerê sedsalê be.
Dê gelek alî beşdar bibin. Bê guman eger ev şer
bi rûxandina rejîma Tehranê ya totalîter encam
bide, dê guhertinek mezin di terazûbûna siyaseta
herem û cîhanê de peyda bibe. Dê yek ji navendên
terora navnetewî birûxe. Li vir kurd dikarin
sûdê werbigrin û li Rojhilatê Kurdistanê
statûyek desthilatdarî ava bibe.
Serkêşa tekoşîna gelê kurdistana rojhilat,
Partiya Jiyana Azad ya Kurdistanê PJAK, dikare
roleke sereke bilîze.
Dewleta tirk jî vî hesabî ji niha ve dike. Ew
naxwaze sînaryoyek weha pêk were û rojhilatê
kurdistanê jî bibe mîna başûr. Ji ber hindê wê
200,000 eskerên xwe li ser sêgoşeya sînor bi ich
kiriye. Bi dewleta Iranê re jî di nava têkilyan
de ye. Li dijî PJAK û PKKê oprasyonên hevbeş
birêve dibe.
Wek encam: Pêwîste kurd ji guhertinek weha re
amede bin. Ji bo ku şerekî weha dijwar encamên
xerab li ser kurdan nehêle, pêwiste kurd
amedekariyek baş bikin.
Jixwe amedekariya DYA û Israîl û Brêtanya yê jî
heye. Her roj hemleya medya yê ya pêşîxweşkirina
şer bi pêş ve diçe. Ev yek dema xweamedekirina
şerê li dijî rejîma Sedam tîna bîra mirov…
* Ev nıvîs di rojnameya
Yeni Ozgur Politikayê de hatiye belav kirin.
|
