Seyid Feysel Muxtevî

 

 

Roja pênûsê li me û hemî gelan pîroz be.pênûsa ku dergehê zilm û tarîtiyê girêda û bera nûrê da nav gelên bin dest û belengaz.kila edlayîyê li çavê sitemkara kişand û kulûlkê azadîyê li deşta sare zilmê de çand, zistana sar û tezîye bêdengîyê,li bilbilê gulistanê kire biharekî xweş û rengîn.

 

Qelem tu ji kîderê hatî bi fermana kê ra hatî?

Bi tekmîla ziman hatî? Bu kêm kirna xama hatî?

 Bi her destûr û fermanek ku tu hatî bi xêir hatî

Bi ser çav û dilê nesla beşer hatî ti xêir hatî

 Bi rêkek[2] dûr di gel Rojê li bu berqa[3] dila hatî

Serendîbê xelat bûy tu di gel bûk û zuva hatî

 Bi mêwanxaneya işqê tu peyk û ermexan hatî

Bi çeng û naxon û kuçkan tu peykana[4] beyan[5] hatî

 Piçûkê Adem û Hevva bu dermanê evîna xwe

Bu runahiyê bi kilçî û kilê sobhane te hevce[6]

 Tu dayim hemreh û hemzadê texyîr û tehevvol[7] bûy

Tu geh ber bûy û geh dişnek[8] li fûlad û li asin bûy

 Heta ku tu miraz û metleba dil da bi kevrê req[9]

 Biselmînî û jînavî di dîrokê bikî berheq

 Li nav kevrê nivîsî da li naw xiştê[10] sufalîda[11]

Li pexla bajêr û gunda li naw xar[12] û muxaranda

 Nigehbanek vefadar û xedûmek[13] bê temenna[14] bû

Nivîsîn ah û derdê gel li naw serma û bahozan

 Bi pêşrefta olûm û seneta hazir qelem ker[15] bû

Li beyna sirvet û feqrê bi çavê zolmetê der bû

 Qelem girtin şikandin kirne hebsê da ku Roj reş bit

Bibîte yek şevek tarî ku qanûn naw de vinda bit

 Qelem rabe bi herbê[16] ra bixona xwe miyesser ke

Dewama jîn û ayîna li pêxasan moheyya ke

 Xeva şîrîn li ser zalim mokedder ke mokedder ke

Li qesran bîneder bîne bi tolek xweş vî aza ke

 Ku binvîse ji mezlûma Seyid berga teberrayê[17]

Bike mizgîn gulîstanê qelem derket li zindanê

Seyid Feysel Moctevî

Senendec 2005-07-02

Helbest : Mesnevî

Vezn : Mefaîlin Mefaîlin Mefaîlin Mefaîlin

Behr : Hezec Mosemen Salim

_________________________________________________________________