tariqhemo@hotmail.com

Li gorî hin çavkaniyan dê Serokwezîrê Tirk û Rêveberê AKPê Recep Tayip Erdoxn di 15 meha Adarê de berê xwe bide hin bajarên Bakuê Kurdistanê.

Ev gera Erdoxan piştî 2 sal û nîv ji "sozên" wî yên li Amedê û "çareseriya pirsgrêka kurd" ya gotibû "ew ya min e jî", tên.

Her weha gera Erdoxanî piştî 5 mehan ji derxistina meclisa tirkan ya biryara şerê li dijî kurdan û derbaskirina sînorê başûr tê. Her weha 4 meh di ser êrîşa hewayî ya "mezin" de jî derbas dibin.

15 roj jî bi ser têkçûna artêça tirk ya li ser destê HPGê derbas dibe…

Wek mentiqê siyasetê û wek mentiqê hêzên Islama Siyasî û mesela " El-Tuqiya" dê Erdoxan hewl bide têkçûna xwe û artêşa welatê xwe veşêre û ser binixwemîne. Ewê hin "sozên" nû bide û gotinên qelew bêje û hewl bide kurdan carek din bixapîne.

Erdoxan dê vê serdana xwe/derfeta xwe baş bi kar bîne. Dibe ku gotinên "nû" bêje û hinek "nermayetiyê" jî nîşan bide. Dibe ku yekser PKK muxateb bigre û dozê danûstendinê jî bike. Doza diyalogê li DTPê bike û xwe bi berpirsên wê û tevahiya gelê kurd re şîrîn bike..

Eveya hemû di rojevê de ne. Erdoxan niha şkestî ye û ewê carek din dest bi derewan û sozên sexte bike. Ewê banga "aşîtiyê" raghîne. Lê gerek kurd bawer nekin û ji vî mirovî hayerdar bin. Ew niha têkçûye. Kurd nema bi partiya wî bawer dikin. Ji aliyê eskerî û siyasî gelek tişt winda kiriye. Di mijara PKK û gefên li dijî Kerkûk û herema başûr de qelisbûye. Vêca dek û dolab û derew tenê mane…

Piştî têkçûna hemleya dagirkeriyê ya artêşa tirk û ev derketina sernizim/moraltêkçûyî ya artêşê ji Başûrê Kurdistanê û piştî ragihdanina encamên hin rapirsan li bajarên bakur,ku têkçûna AKPê di nava kurdan de nîşan didin, Erdoxan dê hewl bide xwe nêzî kurdan bike û tiştê nikarîbû bi tank û topan û terorê bike, bi bi fen û fûtan bi dest bixe…

Ji ber hindê gerek DTPê û Tevgera Azadîxwaz ya Kurdistanê ji vê serdana Erdoxan hayedar û hişyar bın. Pêwîste gel bi silogana hezkirî " Qatil Erdoxan" vî mirovê du rû pêşwazî bike…

Serkeftina şerê Zapê gerek kurd tu carî ji destê xwe bernedin. Vê serkeftinê çend qonaxên dûr û dirêj Tevgera Azadiya Kurdistanê ber bı pêş ve bir. Kurdên her şar parçeyên Kurdistanê li PKK civand.

Niha Erdoxan dixwaze vê serkeftinê bi çend gotinên vala û lîstokên "xîtabetê" beravêtî bike…

Li pêşiya hedefa Erdoxan ya ne pîroz pêwîste dest bi kampaniyek rûreşkirina wî bête kirinê. Kampaniyek ku kurdan bi rastiya vî mirovî bidin nasîn û derewên wî yên beloq û tahlûke nîşanî cîhanê bikin.

Ji ber hindê divê navnîşana qonaxê " Qatirl Erdoxan" ji bo AKPê û " serkeftina Zapê" ji bo kurdan be…

Nîşanên vê yekê jî di xwepêşandanên gelerî yên bakur de kifiş dibin…..