|
2 kurteçîrok
Cubran Xelîl Cubran
Wegrer: Besam Mustefa
Deryayên din
Masiyekî ji birayê xwe re got : "Li ser vê deryaya me, deryayeke din
heye, deryayeke ku afrîderên neyekesan tê de dijîn û avjeniyê dikin
wek ku çawa em li vir dijîn û avjeniyê dikin."
Gava birayê masî ev jê bihîst lê meyzekir û bi hêrs jê re got:" Ê tu
xurifî yî! Tu xurifî yî! Erê xoşewîsto ma tu nizanî ku çi afrîderê
ku bosteke tenê ji deryaya me derkeve û li derve bimîne, di cî de
dimire?
Vêce, ka çi behane li nik te heye ku tu dibêjî afrîderên din jî di
deryayên din de jî hene?"
Poşmanî
Di şeveke reşa tarî de, zilamek kete bexçê hemxakê xwe. Di bexçe de
zebeşê herî mezin û giran dizî û rahiştiyê û ber bi mala xwe ve çû .
Zilamê me çilo giha mal bilez zebeş şikand lê –mixabin – zebeş kal
derket ..Gava wî zilamî zebeş wiha dît wijdanê wî lebitî û bêvila wî
şewtî.!
Zilam pir di nava xwe de poşman bû çima wî ew zebeş diziye ..çima
wisa kiriye ..ji boyî çi?!!.
|
