|
Rawestgeh
Li ber dergehê pêjna te,
ez li hev dikevim.
Gul pala xwe dide qeraxên berbangê
Şev…
ji ser dîwarên sîberan
roniyê diqurêfe
û tu..!?
Te dilê min
ji zû ve quraftiye.
Jivan
Niha têgehiştim,
rêka çûna avê,
ne di ber deriyê mala bavê te re diçû,
ne jî derbas dibû.
Rojan bê te dibuhrînim.
Dîsan jî
çavên min hêsiran dikin.
Derya li hev dikevin,
dibin pêl
Xaç li hev siwar dibin
dibin stêr
Tu têy hindava min
awirên min î nazdar derbeder dibin.
|
